Et cibi fastidium cum eructuatione, rigor pungitiuus

DOGT. II, CH. V. — PLAIES DE LA POITRINE

Tua des bouts, et fendue en l’autre ; tellement qu’il fait entrer le haut de l’espaule par le trou : puis tournoyant la poitrine, il retourne à l’espaule d’où il a commencé, et auec les bouts de la bande fendue, il lie en ladite espaule. Et si se pouuoit faire (comme il dit) sans incision, en tournoyant la poitrine, il seroit bandage plus legier.

La ligature pour les apostemes des aisselles, est faite auec vne bande taillée des deux costez ; vne partie est liée en tournoyant la poitrine sous l’autre aisselle : et l’autre, on la fait passer par dessus l’espaule en croix, et la ramaine on par douant et par derrière à l’autre aisselle.

Quant à la cw^e des play es pénétrantes, s’il est constant par les susdits signes, que nul des membres internes soit blessé, et que nulle matière soit descendue au dedans, soient traitées comme les autres, sans tente, auec emplastres et onguents incarnatifs, estoupes bagnées en vin, et ligature, et qu’on les pense rarement. Et parce Galen, et ses sectateurs, n’ont fait spéciale mention d’icelles, d’autant qu’elles n’auoient aucune diuersité des autres. Or qu’en telles playes on ne doiue mettre aucune tente, et qu’il ne les faut tenir ouuertes, il est prouué, de ce que la tente est mise là où il est necessaire de rejetter par la playe quelque matière assemblée : mais nous supposons qu’il n’y en a point en telles playes. Doncques en vain la tente y seroit mise. Et supposé qu’il y eust quelque matière, toutefois en petite quantité, nature la resoult et euacuë. Et qu’on ne doute point par où : car à nature forte rien n’est impossible. Elle ne fait pas seulement passer les matières à trauers des membranes, ains aussi à trauers des os, comme dit Galen au septiesme des Aphorismes. Et si tu luy veux aider auec ton breuuage, tu le peux faire. Mais de l’imposition de la tente, procederoient les nuisances que disoyent les autres (quant à la débilitation, et à l’alteration de l’air), lesquelles Auenzoar a réputé grandes en l’esquinance, quand on coupe l’vuule, au quatriesme traité

Touchant aux playes qui pénétrent, esquelles sont blessées les parties internes, s’il n’y est descendu aucune matière, elles soient traitées de mesmes par dehors, comme dit est. Mais par dedans, il leur faut donner à lescher ^ médicaments visqueux et gluants. Et c’est ce qui est dit au cinquiesme dé la Thérapeutique : Il faut essayer de seicher par tous moyens de médicaments appliquez au dehors, et par ceux qu’on boit auec de l’eau et du vin subtil. De ceux-cy les plus conuenables sont, le nomme Diaspermaton, et celui qui nous est coustumier, duquel nous vsons tousiours à la confortation de la poitrine qui est de cassie. Par le Diasper-