et Continentis aeris », de l’air qui l’entoure
TROISIÈME TRAITÉ. — PLAIES
chaude vue esponge molle, et en eschaulfer les boyaux, et que cependant on appreste du vin aspre chaud : car il échauffe plus que l’eau, et donne force aux intestins. Quelques-vns, comme Rogier et Tlieodore, fendent des cochons ou autres bestes par le milieu, et le plus chaud qu’ils peuuent, les appliquent sur les boyaux, et le font tant de fois, que les boyaux soient eschauffez et desenflez, et qu’ils puissent rentrer. Halyabbas ordonne, que l’on pende le patient par les extremitez dans vn baing, et qu’il soit secoué : ou que les boyaux soient engraissez d’huile violât (ou d’oing de porc chaud comme dit lamier), et ainsi r’entreront les boyaux. Or si vsant de tout cela, encor le boyau demeure enflé, Galen et tous commendent, de tailler autant de la playe du ventre, que ce qui en sort puisse estre remis. A telles incisions sont idoines, selon Galen, les instruments appelez syrmgotomes (c’est à dire, inciseurs des fistules) à deux testes, qui soient courbes, et obtus tant du dos que de la pointe, et non aigus : desquels Albucasis descrit la forme.
La figure ou situation conuenable du patient, si la playe tire en bas, soit haute : et si en haut, soit basse ‘ : et en toutes deux on ait cette intention, que le boyau qui sort ne soit greué des autres.
IL La seconde intention est accomplie, que vn idoine ou habile seruiteur, de par derrière auec les mains, repousse et comprenne toute la partie, et en decouurant successiuement, toute la playe soit asseuréraent cousue par le Médecin. Quel sera le moyen de la cousture du ventre, cy-dessus a esté dit.
IIL La troisiesme intention est accomplie, selon Galen, auec médicaments qu’on nomme sanglans, lesquels nous auons demonstré, par les precedents, consolider aussi les playes és autres parties, comme sont la poudre conseruatiue des coustures, et les estoupades auec du vin, et emplastres et autres remedes incarnatifs. Et outre ce, ligature de par dehors est icy plus necessaire : laquelle nous auons dit deuoir estre prise de la poitrine.
IV. La quatriesme partie de la cure, ne s’esloigne pas peu de la cure des autres : car il faut mesmement tremper de la laine molle en huile chaud, et comprendre tout à l’entour ce qui est entre les aynes et les aisselles. Il seroit encor meilleur, de faire injection dans les boyaux de quelque chose semblable par vn clystere. Auicenne au troisiesme Canon^ en la cure de l’hydropisie ascite faite par incision, dit : Et par fortune à l’incision succèdent douleur et pointure, parquoy il faut qu’on administre effusion d’huile anethin, ou camomillin sur la pointure ; et qu’on mette sur le lieu de l’incision des emplastres faites de fenugrec, semence de lin, et de guimauue et semblables. Quelques vns, comme Henric, pour effacer telles
I. « Figura vero idonea laboranli versus inferius quidem deorsum, superius dorsum vero vulneratum locum. »
