Peccati morte non eripitur

3. « Modum coquendi . et oleo fortiter incensis. » Ms. Montp. : « vne maniéré

de curer . et par huille et soient fortement alumes. »

•i- Ms. Montp. : « et se tel vlcere ne se peult curer. »

TROISIÈME TRAITÉ. — PLAIES

sort des membres intérieurs : quelqueslois il en sort la coëffe, ou les boyaux, ou quelques autres choses. Celles qui sont faites és membres contenus, quelquefois sont faites en la coëffe, quelquefois aux boyaux, autrefois en l’estomach, et ainsi consequemment. Voila les différences desquelles sont prins les iugements et les curations.

Les causes de ces playes, sont de mesme celles des autres : espée, lance, flesche, et tout ce qui peut tailler et percer.

Signes. Il est signifié que la playe du ventre ne pénétré point, par la veuë et par l’esprouuette, et quand de là il ne sort rien. Et il est signifié qu’elle pénétré, quand l’esprouiiette y entre bien auant, et que la coëffe, le boyau, ou quelque autre membre en sort. Signe que la coëffe soit dehors, et altérée, est qu’on . void la substance graisseuse, et remplie de veines, et qu’on void liuide, et noire. Signe que les boyaux sont blessez, est que la fiente en sort. Le signe, que ce sont les grailes, ou les gros, est prins du lieu : car sur le nombril sont les grailes : la dessous, les gros. Signe que l’estomach soit blessé, est qu’il en sort du chyle, et que le lieu est de par deuant. Signe que le foye soit blessé^ est l’issuë du sang, et le costé droit. Signe que c’est la ratte, yssuë de lye, et le costé gauche. Signes des roignons, l’yssuê du sang aigueux, et leur endroit.

lugenwns. Il est iugé par Galen au sixième de la Thérapeutique, que les playes sont plus dangereuses et difficiles, comme aussi les coustures, enuiron le milieu du ventre, que environ les costez, d’autant que ces parties-là, à raison des muscles sont plus traitables, et rejettent ou laissent choir les boyaux plus aisément que les autres. On iuge aussi, que si bien tost il n’y a pas secours à les réduire, les boyaux s’enflent et remplissent de vent pour la froideur de l’air, et puis ils sont difficilement réduits. Aussi on iuge, suivant Hippocrate au sixiesme des Aphorismes, que si on ne preuoit bien tost à la coëffe qui sort, elle s’altere, et corrompt incontinent, et à cette cause les Médecins en coupent ce qui est desnué, et altéré. Cela n’est pas vray tousiours, ains le plus sonnent, selon Galen au Commentaire. Il est aussi iugé par le mesme Galen au sixiesme de la Thérapeutique , que les gros boyaux sont de facile guérison, les grailes de difficile : et que le ieun ou vuide est totalement incurable, pour la multitude et grandeur de ses vaisseaux, auec la minceté, et neruosité de ses tuniques : et encor de ce que ledit boyau reçoit toute la cholere pure, ot est plus prés du foye que les autres.

D’auanlage, on peut entreprendre de guérir les parties basses de l’estomach, d’autant qu’elles sont charnues, et parce que le médicament peut arrester au lieu : mais en la bouche de l’estomach, le médicament ne touche que en passant les parties malades : et auec ce, son grand sentiment répugné à la curation. Les autres iugemenfs, et leurs causes ont ^sté dites cy dessus au propos commun.

DOCT. U, CH. YI. — PLAIES DU VEYTRE

Quant à la curation, les playes du ventre qui ne pénétrent dedans, n'ont rien de propre sinon la ligature dessus ditte en la poitrine. Car elles sont traitées comme playes charnues : auec cousture s’elles en ont besoin et autres remedes incarnatifs. Celles qui pénétrent, par lesquelles il ne sort rien d’aucun membre, et n’y en a aucun de blessé, sont pensées de mesme sorte, sinon qu’elles ont vne cousture propre, laquelle est de diuers diuersement ordonnée.

De la cousture du ventre. Quelques-vns (comme Galen) commandent de les coudre tellement, que siphac s’vnisse auec mirac : car de soy, sans chair, estant exangue, et nerueux, il ne peut conuenablement estre consolidé; qui plus est, il s’en ensuyuroit rupture, pour la lascheté de la chair, du mirac.

I. La cousture est ainsi faite : Que au premier point, l’aiguille entrant par vne léure, ne touche pas au siphac : puis de par dedans poignant l’autre léure, qu’il le perce auec tout le mirac, et soit fait vn nœud sur la playe. Au point ensuiuant l’aiguille entrant par vne léure, perce tout le mirac et le siphac, et r’entrant par l’autre léure, laisse le siphac, et perce le mirac, et soit noué extérieurement. Que l’on procédé ainsi par les autres points, tant que tout soit suffisamment cousu.

IL Galen assigne vne autre façon, Albucasis la reçoit. C’est la commune façon et la plus legere, mais non pas la plus seure. On fait ainsi ; tous les quatre bords des deux léures soient cousus ensemble, auec vn point et vn nœud : et qu’on y face tant de points que seront necessaires.

III. Albucasis met la troisiesme façon, poignant auec des aiguilles, comme dit est, et y laissant les aiguilles, tournoyant le fil par dessus, ainsi que font les femmes en leurs manches, suiuant ce qu’a esté dit auparauant de la cousture au propos commun, auquel il faut recourir pour cette-cy.

IV. La quatriesme façon est de Lanfranc, et Henric l’a acceptée. C’est, que l’on fiche vne aiguille auec du fil à vne léure de par dehors, et qu’on perce tout le mirac, et siphac. Puis de par dedans en l’autre léure, tirant au dehors, soient aussi percez le siphac, et mirac. En apres laissant espace d’vn petit doigt depuis le premier point, feras le second point de- la mesme aiguille, auec le mesme fil non coupé ne noué, en cette sorte : En la léure qui a esté dernièrement perçée, l’aiguille soit fichée du dehors au dedans : puis en l’autre léure soit fichée du dedans au dehors, comprenant tousiours les siphac et mirac. Et adonc prés de l’aiguille tu trouueras le bout du fil, que tu as auparauant laissé dehors. Lors soient liez ensemble les deux chefs du fil, faisant en deux points vn seul nœud à costé. Et ainsi le fil ne passera iamais sur les léures de la playe, ains paroistra seulement és costez. La cousture estant faite qu’on y applique les autres remedes, et soit bandé.

TROISIÈME TRAITÉ. — PLAIES

La ligature de la poitrine est icy conuenable : et la raison soit prise de là.

En la playe du ventre pénétrante, en laquelle les parties internes sont blessées, et ne sortent point, si ladite playe est suffisante (ou si n’est suffisante, qu’elle soit amplifiée auec instrument propre, qui sera dit cy apres) soient attirées dehors sagement. Et si elles ont besoin de cousture, et qu’elle leur profite, comme au fond de l’estomach, et aux gros boyaux, soient cousues de la cousture des peletiers, et non pas auec teste de formis, laquelle ont dit quelques expérimenteurs, comme tesmoigne Albucasis. Car elle est fascheuse et inutile ainsi qu’il appert de fait. Quelques-vns (comme Rogier, lamier, et Théodore) mettent dans le boyau vne cannule de sureau pour garder que la fiente ne pourrisse la cousture. Les autres, ainsi que Guillaume a recité, y mettent une portion de boyau de quelque beste, ou vne portion de trachæe artere, comme disent les quatre Maistres : ce qui ne me semble pas raisonnable. Car nature attentiue à l’expulsion des choses estrangeres, rejette et oste ces choses-là de la cousture : et ainsi périt la fin pour laquelle on les applique. Il est meilleur (à mon iugement) que le boyau estant comme dit est, et nettoyé de ses ordures, on mette par dehors sur la cousture de la poudre conseruatiue des coustures : et que la partie soit réduite dans le ventre à la maniéré qui sera ditte.

Si la coëffe est sortie, et est noircie, et corrompue, les parties noircies (comme dit Galen) soient comprises d’vn lien, et soit retranchée la portion qui est apres le lien au fin bout de la cousture du ventre : en laissant dehors les chiefs du lien, et du fil de la susdite cousture des boyaux, afin qu’ils puissent sortir, la playe ayant suppuré ^

La cousture, ou la ligature estant faite en la coëffe, soit réduite dans le ventre comme il sera dit.

Et incontinent la playe du ventre soit (comme dit est) cousuë, et ne soit aucunement tenuë ouuerte iusques à la guérison des membres internes, ainsi que commandent lamier et Rogier : et en ce Lanfranc les a ensuiuis. La raison est, parce que rien n’oflfence plus les membres internes, et la chaleur naturelle, que l’attouchement de l’air non altéré de nature ^ Car de ce elles encourent le pernicieux accident de douleur, et trenchées de boyaux, dequoy les malades peuuent tomber en commision, et par conséquent mourir. Et auec ce la playe ouuerte (laquelle nécessairement a esté grande pour l’operation) dispose ou inuite les boyaux à sortir continuellement : ce qui est tres-nuisant et dangereux. Telles choses doiuent estre ordonnées par dehors.

1. « Vulnere suspirato. » — Ms. Montp. : « quand la plaie sera supuree ou soudee. »

•2. « Quam contaclus aeris a natura non alterati. »

DOCT. II, CH. VI. — PLAIES DU 'VENTRE

Par dedans qu’on luy donne, dit Auicenne, de la centaurée, et terre séellée, et les choses dites és playes des membres internes de la poitrine : car elles conuiennent aussi à celles-cy. Et la queue du cheual * (selon Galen au sixiesme des Simples médicaments) est fort recommandée de quelques-vns, aux playes des boyaux et de la vescie. Et les clisteres de vin aspre, noir, tiede (principalement s’ils sont du tout percez iusques à la cauité interne) ® sont recommandez en ce cas de Galen au sixiesme de la Thérapeutique.

La diette ou maniéré de viure, soit (au moins durant sept iours) mince, et telle que n’engendre fiente, ne superfluitez pulrefactiues, ains qui consolident. Et à ce louent les quatre Maistres cette bouillie ^ et est bonne :-PR. Du son de froment., qu’on le trempe vne heure dans l’eau chaude, et si elle estoit de pluye seroit meilleur : puis soit coulé, et qu’on y mette de l’amydon, tragacanthe, gomme arabique, sang dragon, grand consoulde, et poils de Heure. Qu’on en donne tous les iours trois ou quatre fois.

Si la vertu est debile, on luy peut donner du broüet de poules cuites à se mettre en pièces. Et si on y mettoit du tragacanlhe et gomme arabique, qui n’irritent point la saueur, seroit tres-bon. Guillaume lotie grandement en ce cas, l’eau de la décoction d’encens et de mastic.

En X^playe du ventre pénétrante, de laquelle tombent les boyaux, ou autres parties non blessées ou blessées (mais cousues ou liées, comme dit est) Galen et Auicenne ont quatre intentions. La première est, de remettre en son propre lieu ce qui tombe : la seconde, coudre la playe : la troisiesme, appliquer le médicament : et consequemment la quatriesme, de pouruoir que aucune partie interne ne souffre tumeur ne douleur.

1. La première est accomplie, si la playe est assez grande qu’on introduise les boyaux en pressant doucement auec les mains, ou en secoüant le malade, en le haussant par les bras et par les pieds, et ainsi (comme dit Rogier) on les réduira. Si par cette maniéré ne peuuent rentrer, c’est d’autant qu’ils sont enflez, ou que la playe est petite. N’est-il pas adonc (dit Galen) necessaire en cecy, l’vn des deux, ou vuider la ventosité, ou faire plus grande la playe? Il est meilleur, comme ie pense, que premièrement s’il est possible, on la fomente. Et quand on la fomentera, l’on ostera la cause de la ventosité, qui est la froideur de l’air qui le contient Rarquoy la guérison gist à l’eschauffement. Il faut donc tremper en eau

1. «. Et cauda equiaa. » Ming. : l’equisetum. C’est Thippuris ou prêle des bois.

2. « Si perforatum fuerit totum vsque adeum qui intra porum. » — Ms. Montp. : « Se la plaie va jusques a lintestin qui entre dedans le porre. »

3. « Illud pulmentum. » Joubert dit : cette menestre. — Ms. Montp. : cest chaudel ou pantille ci. — Cbaudel, sorte de bouillon, bouillie (Du Gange).