Corpus est plethoricum

O. « Et obfuscalionem. »

QUATRIÈME TRAITÉ. — ULCÈRES

humidité et virulence : et toy croyant que ce soit de la malice de l’vlcere, y adjoustes plus grand detersion, et par ce moyen l’vlcere deuient plus profond, et plus chaud, semblable à l’apostemeux : parquoy le malade y sent mordication.

Outre ce, des choses plus nuisantes aux vlceres, est le iour austral*, et l’humidité de l’air auec chaleur. Et parce on dit que les vlceres des jambes guérissent plus difficilement en Auignon qu’à Paris.

Dequoy le contraire est trouué des playes de la teste, à cause de la froideur et seicheresse desdites régions, extrêmement nuisante au cerueaii.

Dauantage tu dois sçauoir, que comme les iugernents des playes ont communication auec ceux-cy, de mesme ceux-cy auec ceux-là : et parce il faut recourir à iceux, au propos commun du traité des playes.

La cure des vlceres concerne deux choses, sçauoir est, l’vlcere entant qu’vlcere, l’vlcere comme tel composé auec sa cause, ou son accident, ou en tel membre, ou auec quelconque autre disposition.

Or vlcere entant qu’vlcere requiert exsiccation, ainsi qu’il est desduit par plusieurs propos d’Hippocrate, au quatriesme de la Thérapeutique. Et jaçoit qu’en cela conuiennent les vlceres auec les playes, neanlmoins ils different en plus grande exsiccation. Car les vlceres ont besoin de plus grande exsiccation que les playes, veu qu’ils ont plus grande humidité. Et pource les intentions, auec lesquelles sont accomplies cecy, soient recherchées au traité des playes, spécialement de celles qui sont canes.

Mais entant que tel vlcere est composé auec sa cause, ou autre disposition qui l’engendre et augmente, il requiert ablation de la cause, et de la disposition qui engendre et augmente ledit vlcere ; comme il est discouru par tout le quatriesme liure de la Thérapeutique. Et cette curation n’est proprement de l’vlcere, oins d’icelle disposition. En ce conuient la cure des. vlceres, auec la cure des apostemes. Parquoy ce qui defaut icy, soit requis du traité des apostemes, et du Propos des accidents de la playe.

Doncques de telles dispositions il y a double intention, selon Galen au commencement du quatriesme de la Thérapeutique, ou de retrancher finalement du corps ses dispositions, ou de surmonter la nuisance qu’elles apportent. Qu’est autant à dire, que la cure est double, curatiue et preseruatiue. Et cecy est faisable, quand la disposition est de toutes sortes petite : car si elle est grande, il n’est loisible conduire l’vlcere à cicatrice, auant qu’icelle disposition soit curée.

1. « Dies meridionalis. » — Canappe ; cet le vent de midy. — Ming. (t. Il, p. 274) dit qu’à Bordeaux les ulcères des jambes sont difficiles à guérir, au lieu que les playes de teste y sont promptement guéries ; cependant qu’à Toulouse les playes de teste y sont mortelles ou difficiles à guérir, et que les ulcères des jambes y sont guéris en peu de temps.

DOCT. I, CH. I. — ULCÈRES EN GÉNÉRAL

Doncques la cure des vlceres, comme tels vlceres composez auec leurs dispositions, a trois ou quatre intentions spéciales. La première ordonne la vie. La seconde esgalise la matière antecedente. La troisiesrae rectifie les accidents, et dispositions conjointes. Et la quatriesme ayant retranché les dispositions, commande de réduire la cure de l’vlcere à celle des playes concaues,

hd^pretniere et seconde intention sont accomplies, selon la nature de la matière qui peche, et qui s’engendre au corps : en l’éuacuant, destournant, auec saignée, purgation, diette, cautères, vomissements et autres diuersions : Aussi en coupant chemin aux flux par ligatures, epithemes, vnction de bol arménien, et autres refrigeratifs et adstringents ; desquels tous, a esté suffisamment baillé doctrine au traité des apostemes.

Et ainsi Galen dit au quatriesme de la Thérapeutique : Quand mauuais humeurs defluent aux particules de l’vlcere, la cure est comme des vlcères comme sera dit icy. Si cest la guérison de cacochymie ou de la repletion, elle a esté ditte cy-dessus en leurs propres discours au traité des apostemes. Et il spécifié le moyen de tous deux. Quand donc rhumeur qui defluë aux parties vlcerées, est vn peu plus copieux, mais non pas beaucoup plus vicieux, que celuy qui est selon nature, il ennuient le inhiber et repousser en restreignant et refroidissant les parties qui sont deuant les vlceres. Et faut aussi que la ligature (supplées, repulsiue) commence dés la partie malade, le conduisant après vers la saine \ comme Hyppocrate a commandé faire és fractures. Car tel bandage restraint les conduits par lesquels la matière defluë aux parties. Et aux vlceres mesmes nous apporterons des medicamens plus dessiccatifs, que ceux qu’on présente aux simples, cest à savoir és plaies. Et voilà la différence. Mais si on ne peut contenir la fluxion par medicamens (voicy bonne pratique), il faut s’enquérir de sa cause, et la retrancher premièrement.

Si donc cela aduient pour quelque imbecilité de la partie qui reçoit le rheurae, il la faut guérir. Et ce sera aussi quelque propre guérison des parties vlcerées. Mais si c’est pour la multitude du sang ou pour le vice des humeurs ou de tout le corps, ou d'aucune des parties superjacentes, il les faut premièrement corriger. Or l’imbecilité de. la partie est d’intemperature et nous dirons incontinent par quel moyen on guérira l’intemperature. Mais comment on remedie à la partie, ou à tout le corps, qui enuoye la matière defluante, il a esté dit cy-dessus au . traité des apostemes.

La troisiesme intention^ qui corrige et amende les accidens, et dis-

. 1. « Deduci vero versus sanam. » lo39. ^

2. « Imbecillitas quidem particulae discràsia fuit. » lao9. .

QUATRIÈME TRAITÉ. — ULCÈRES

positions jointes à l’vlcere, est accomplie selon la nature d’iceux accidens ou dispositions, qui font l’vlcere composé. Or il faut (selon Galen au susdit quatriesme, première doctrine, premier chapitre) enseigner le moyen curatif, non de tous ensemble, ains de chacun à part.

Et premièrement de Xvlcere dyscrasié, duquel incontinent apres il est escrit au texte : Doncques tu guériras la dyscrasie de la chair : si elle appert aride, et dure, et seiche, tu racoustreras la chair, en la fomentant maintes fois d’eau bien tempérée Mais toutes les fois que tu en vseras, ayes pour terme de la fomentation, quand tu verras que la partie commence à rougir, et s’esluer en tumeur. Car si tu arrou.sois d’auantage, elle resoudroit ce que tu as attiré. Il conseille de l’eau, non pas du vin ; parce que la vertu du médicament en tels vlceres doit estre plus humide que en la chair saine qui est diuisée. Et si la chair est plus humide que de son naturel, il faut faire au contraire : c’est que la vertu de^ medicamens rende plus à exsiccation, et qu’on n’vse aucunement d’eau, ains si tu veux lauer l’vlcere, qu’on appreste du vin, ou du vinaigre trempé, ou vne décoction de quelque herbe astringente. Semblablement, si la chair est plus chaude que ne doit, tu la refroidiras : et si elle est trop froide, l’eschaufferas : comme aussi a esté dit cy-dessus de l’intemperature des playes.

Quant à Xvlcere doloreux, Galen dit par tout que rien n’aiguise plus le rheume, ne prosterne la vertu, n’empesche la droite operation, que la douleur. Et pourtant, Auicenne conseille qu’il faut qii’és vlceres doloreux, qui sont de vehemente douleur, vous soyez premièrement occupez à mitiguer la douleur, et ce auec des mollificatifs, lesquels vous sçauez (sans doute) combien ils sont contraires à l’vlcere : toutesfois tant qu’on n’appaise la douleur, la curation ne nous est préparée. Or vous auez eu plusieurs medicamens sédatifs de douleur cy-dessus au traité des apostemes, et des playes : et encor vous en aurez en maints lieux.

De Ivlcere apostemeiix, Auicenne dit, qu’il faut que tu aydes à prohiber l’aposteme : d’autant qu’il n’est possible, que l’vlcere soit guery tant qu’il est auec aposteme. Et si ne t’est possible de l’empescher, curele quel qu’il soit, de sa curation, auec obseruation d’iceluy vlcere ^

La cure des apostemes est.ditte cy-dessus au traité des apostemes : et pareillement au commun propos des playes.

De Xvlcere contus. Galen dit, qu’en quelconques vlceres ou la chair est meurtrie, il faut qu’elle soit pourrie, et conuertie en sanie, puis en produire de nouuelle. Car selon Auicenne, tels ont premièrement besoin