Fomentas eucrata multoties aqua

2. « Cum obseruatione ipsias vlceris. » Ms. de Montp. : sans blecer le dit vlcère. — Canappe : gardant Tvlcere.

DOCT. I, CH. I. — ULCÈRES EN GÉNÉRAL

d'estre mollifiez et humectez, comme il a esté dit cy-deuant des apostemes et des playes contuses.

Des vlceres auec chair superflue, Auicenne dit : Et parauanture s’y eagendre chair mauuaise : dont il est necessaire qu’elle soit rongée et consumée par médicament acre : et que par dehors on fasse vnction des refrigeratifs : puis soit déracinée auec ce dequoy on déracine l’escharre : et apres soit curé l’vlcere. A corroder ou ronger telle chair, sont bons les trochiscs des Asphodelles, et l’vnguent des Apostres, et l’Ægyptiac, et autres qui ont esté dits de la chair superflue au traité des playes, et seront dits cy-apres bien tost.

De rvlcere auec durté, et tenebrosité des léures. Auicenne dit que quand l’entour de l’vlcere est corrompu, et tire sur le verd ou sur le noir, cure le auec scarification et extraction de sang ; aussi auec des ventouses, puis applique-y vne esponge seiche, et en apres médicaments dessicatifs. Mais si la disposition s’estend dauantage, Galen dit au quatriesme de la Thérapeutique, qu’il faut rechercher ou délibérer, s’il conuient retrancher tout ce qui est contre nature : ou s’il vaut mieux guérir en plus long temps, auec des médicaments forts ou aigus. Et est tout euident, qu’en tels cas il faut s’informer de la volonté du malade. Car aucuns ayment mieux estre guéris en plus longtemps, sans incision, et aucuns sont prest d’endurer ce qu’on voudra, pourueu qu’ils soient plustost guéris. Toutesfois il dit plus bas : C’est bien vne chose fort prompte ou aisée, que de couper, mais c’est plus grande chose, et plus artificielle ‘ de guérir par médicaments.

De l'vlcere auec des varices. Galen au susdit quatriesme conseille, que premièrement on les guérisse, et qu’apres nous deuons guérir l’vlcere.

La cure des varices a esté ditte cy-dessus au traité des apostemes.

De l'vlcere auec os corrompu, Auicenne dit : Et si suruiennent aux vlceres des pièces d’os, de membranes ou choses semblables, ne te haste pas de les arracher, ains faits ce que nous auons dit cy-dessus au chapitre des playes des os. Mais si l’os est corrompu, son conseil est de couper la chair, et descoüurir l’os tant qu’il sera possible : et ce auec des rasoirs ou auec des corrosifs, comme il sera dit cy-apres de jambe vlcerée. Et l’ayant descouuert, s’il est possible d’oster ce qui est dessus luy en le rasclant, nous le ferons : sinon, nous inciserons, et nous ferons ce qui est exposé au chapitre de la corruption de l’os, où il dit : La curation de l’os corrompu est, de ratisser, couper, et scier. Car il est necessaire de rascler et cautériser, en paruenant iusques à la fin de sa corruption, afin que les escorces tombent d’elles-mesnies, ou par ayde des médicaments : à quoy Auicenne loüe cettuy-cy ;

1. « Artiflcialius », plus remplie d’artifice, plus ingénieuse.

QUATRIÈME TRAITÉ. — ULCÈRES

PR. aristolochie, iris, myrrhe, aloës, escorce de la 'plante d'opopanax, cambil bruslé^ (c’est terre rouge, menue comme arene), cuiure, escorce de pin, autant (Tvn que autre, soient meslez auec du miel, et soit fait emplastre. Et il est merueilleux, comme il dit, faisant tomber les escorces des os, et naistre bonne chair par dessus.

Lanfranc en ce cas lotie le caulere actuel, apres toute rasclure : et il dit bien, car si la corruption de l’os est d’humidité qui le contamine, il n’y a chose qui la desseiche si tost, et sans faillir, et prés et loin, que le' feu actuel. Apres le cautere, Lanfranc commande arrouser le lieu d’huile rosat chaud. Mais moy, apres le cautere i’applique durant trois iours de l’huile rosat auec blanc d’œufs, et durant trois autres iours, auec vn moyeu d’oeuf : et puis du beurre auec miel rosat, et par dessus ie continué vn des mondificatifs, iusque à exfoliation d’os : apres i’incarne et consolide, auecque la poudre de l’emplastre dit.

Et si la corruption est paruenuë iusques à la moûelle, lors dit Auicenne, qu’il n’y a point dexcuse que l’on ne oste cet os auec la moüelle : comme Albucasis raconte d’avoir fait en la corruption de l’os de la cuisse, d’vn ieune homme de trente ans. Et s’il est de ceux qu’on peut scier, asseure-toy du lieu auec vne tente, iusqu’à ce que tu ayes trouué l’adhérence de la chair auec l’os : car là est le terme, et couppe hardiment. Mais si c’est la teste de la cuisse, ou hanche, et comme les vertebres du dos, adonc il vaut mieux s’abstenir de sa curation à cause de la nuque.

De l’vlcere difficile à guérir auec propriété à nous occulte, Auicenne dit que tels ne sont pourris, ne corrosifs, ne ambulatifs : ains sont d’vne disposition, plans, qui souuent se, ferment et reouvrent ^ Ausquels sont necessaires medicamens fort dessicatifs : comme sont la merde d’arain, et la fleur d’icelui brûlée, merde de fer, colle d’or, colcotar, dragacanth, auec alun, et galles, qui empeschent les matières de courir au membre. Et de.ceux-cy Galen fait des cerats, vnguents, et poudres, au quatriesme de la Composition selon les genres : d’où i’ay prins vne forme qu’Auicenne recite, et Brun la confirme :

PR. cadmie, alun, colle d’or, de chacune huict, parties ; fleur d'arain, et escorce d'arain bruslée, de chacun vne partie : gomme de

1. Belunensis Tinterprete au texte d’Aiiicenne, pierre ponce. Mais luy mesme en l’explication des dictions Arabiques annote, que cambil, suiuant l’opinion de Sirasis, est vne espece de manne, qui a les grains tendans à rougeur : et que les autres disent estre grains de alkekengi. Guy a suiuy la vieille traduction d’ Auicenne, où il est escrit : Cambil est terre rouge menue, laquelle on apporte de Medie, ou Athenie : et quand on en frotte la main, elle entre sous la peau. On en fait vn vnguent qui pénétré la main. (J.)

2. « Sed sunt unius dispositionis, plana, claudentia, et recidiuantia saepe. » 1559.