Et ex eis vel ex illis coniunctae flunt
QUATRIÈME TRAITÉ. — ULCÈRES
tout appréhendé, qui est en personne foible et craintiue : il vaut mieux le pallier, que curer. Car si on les cure, ils en mourront plustost : si on ne les cure et sont palliez, continuent vn long-temps, comme il est dit au sixiesme des Aphorismes, et a esté allégué au chapitre du chancre non vlceré. Pourtant Auicenne disoit cette merueille, qu’aucunesfois de celuy qui est vlceré s’en fait vn non vlceré. Car s’il est guery en vn lieu, souuent se mué à vn autre. Finalement Guillaume de Salicet iuge, que chancre est maladie despiteuse et fascheuse, d’autant que plus on la manie, plus il est indigné. Parquoy il conseille que ne soit touché, sinon legerernent, et à cette cause est appellé Aoli me tangere.
La cure du chancre vlceré a deux régimes, sçauoir est, l’vniuersel et le particulier. Le régime vniuersel a trois intentions : la première ordonne la vie : la seconde euacuë la matière antecedente : mais la troisiesme racoustre les membres intérieurs en les confortant.
La première et seconde intention sont accomplies auec due régime et conuenable purgation : dequoy il a esté dit auparauant és apostemes melancholiques. La tierce intention est accomplie par breuuages, et choses pendues au col à ce esprouuées ; et parauanture plus y fait la confiance que la propriété. De ceux-cy sont toutes les herbes capillaires, et principalement Ceterac, et l’herbe Robert, et la scrophulaire, laquelle pour cette raison est nommée l’herbe chancreuse ; qui sont bonnes à faire breuuages. La renoüée Gest louée d’Arnaud. Et les chancres fluuiatils - y valent souuefainement. Et l’émeraude et le saphir portez, sont bons contre le chancre, comme dit Albert. La theriaque, la chair des thyres ® y profitent extrêmement, parce qu’ils chassent vers le cuir tout le venin.
Le régime particulier a deux intentions, selon Galen au Commentaire dessus allégué, et au second à Glaucon. La première est, que soit du tout arraché, s’il est en lieu qu’on le puisse. La seconde, que si n’est en lieu que l’on puisse, il soit pallié. Les lieux ont esté nommez cy-dessus, et audit Commentaire. Or le moyen de l’extirper est double : l’vn est fait par incision, expression et cautérisation : l’autre par érosion, sans incision. En l’incision aduise-toy qu’il soit tout comprins et retranché auecques ses racines, autrement ne vaudroit rien : ains adonc l’erreur dernier seroit pire que le premier. Et apres l’incision, il faut exprimer deçà
