DOCT. I, CH. VI. — CHANCRE ULCÉRÉ
Pour le premier on dit, que des chancres, l’vn est souef ou traitable, petit, et peu douloureux ; l’autre grand, violent, et de vehemente douleur. Pour le second, on dit que l’vn est de melancholie bruslée d’ellemême : l’autre de melancholie bruslée des autres humeurs, et principalement de cholere adusle. Pour le troisiesme on dit, que l’vn est-fait aux membres simples, comme en la chair, veines, nerfs et os : l’autre aux composez, comme en la face, qui communément est appelé Noli me tangere, c’est à dire ne me touche point : aux cuisses, loup ; an milieu du corps, ceinture, ainsi que dit Rogier : nonobstant que Brun et Théodore escriuent, que nul des anciens l’a ainsi nommé.
Causes. — Le chancre vlceré est causé du non vlcéré et des vlceres irritez, et ignoramment traitez. Du chancre non vlceré est causé l’vlceré, quand on l’incise, comme dessus a esté dit des apostemes melancholiques en chancre Il est causé des vlceres et playes, quand par l’irritation auec médicaments acres, les mauuais humeurs melancholiques sont bruslez, et esmeus : et qu’ils defluent, et sont attirez de tout le corps, et des membres voisins au lieu malade, où ils pourrissent, et s’eschauffent, acquerans acrimonie, et vénénosité : dont est engendrée, et augmentée la mauuaise disposition, et s’y fait chancre. Or les causes primitiues peuuent esmouuoir les antecedentes, et de celles-là ou de celles-cy sont faites les conjointes % ainsi qu’il a esté souuentdit.
Les signes de chancre sont prins de ce qui adhéré essentiellement, comme delà substance dure des leures, et de l’vlcere, de la figure large, ronde, cauerneuse, et renuersée. Aussi des causes efficientes, et de ce qui y adhéré accidentellement ; comme de la virulence horrible et puante, et telle qu’on ne peut dénoter par escrit : mais ceux qui l’ont pratiquée, l’aperçoiuent incontinent de loin : Et auec ce, quand on le laue de lexiue, il deuient cendreux et visqueux. Dauantage, il est irrité des petits corrosifs, et sa malice en est augmentée, comme dit Lanfranc et Henric.
On iuge du chancre vlceré, ce qu’on a Jugé cy-dessus du non vlceré. Et outre on dit que sa diuturnité et perseuerance arguënt sa malice et grande difûculté à curer. Partant disoit Albucasis, que quand il s’enuieillit et est grand, il ne s’en faut pas approcher. Et quant à moy (dit-il) ie n’en ay guery aucun, ne ay veu aucun deuant moi qui y sceust aduenir. Et pource Galen (au commentaire de Y Aphorisme : A quiconques sont faits chancres occultes, etc., au sixiesme liure), dit que tu ne cures le chancre, sinon à grande instance et réquisition. Dauantage, le chancre qui est enuieilly et habitué au membre, qui est infiltré aux veines, nerfs et os, qui est caché et profond au dedans, qui est en lieu où il ne peut estre
1. « Sicut superius de apostematibus.melancliolicis in cancro fuit dicliim. »
