DOCT. I, CH. VI. — CHANCRE ULCÉRÉ

et delà, afin que le sang melancliolique en soit retiré : puis soit cautérisé auec fer chaud. Par le second moyen il est extirpé auec érosion et mortification forte, qui extirpe le tout ensemble. Car à forte maladie conuient appliquer fort médicament, ensuiuant la doctrine d’Hyppocrate au premier des Aphorismes. L’arsenic préparé n’a son pareil en cela, comme a esté dit cy-dessus en Esthiomene et és glandules, et sera dit cy bas. Car du premier iour (dit Théodore, et bien) il occit et extirpe le chancre, le loup, l’esthiomene, le iVo/e me tangere, la fistule, et toutes maladies très mauiiaises. Toutesfois donne-toy garde du lieu, et de la quantité. Et en tous les deux moyens, le lieu soit toujours deffendu auec vnguent de bol. Et quand le médicament aura fait son operation (laquelle, comme dit est, tu cognoistras par l’enfleure du lieu, et de ce qu’il y aura demeuré trois iours) la douleur soit appaisée, et qu’on y pouruoye à la cheute de l’escharre,' comme il a esté dit de la fistule. Le chancre estant mortifié, ce que tu cognoistras par la bonté de la chair, et qu’il n’y aura plus de virulence et puanteur, soit guery rvlcere à la maniéré des vlceres caues.

De la cure palliative. — Mais quand le chancre est en tel lieu, qu’il ne peut du tout estre comprins, comme celuy qui pénétré iusqu’au dedans, ou qui est voisin des membres principaux, ou en lieu fort entrelacé de veines et de nerfs ; ou si le malade est foible et ne peut, ou craintif, n’ose attendre la cure, ou si de sa curation il s’ensuiuroit pire maladie, lors sera bon de le mitiguer et pallier, et ce auec maniéré de viure, et purgation et diuersion de la matière en autre partie. Aussi de le refroidir et desseicher auec eau de morelle, et auec vngent blanc et de litharge, et de tuthie, et plomb bruslé, et du diapompholigos, et d’autres minéraux lauez ; et auec des eaux et sucs camphrez, battus en mortier de plomb : et auec ligature de lame de plomb, et autres choses dites en vicere virulent, et au chancre apostemé non vlceré. Or combien grande vertu a le plomb aux dispositions chancreuses, celuy qui rien n’ignore, le sçait. Aucuns le pallient auec l’herbe Robert, et scabieuse, cerfeuil, cheurefueille, boüillon, poudre de fiente humaine, et aneth bruslez. Et plusieurs appaisent sa fraudulence et rage lupine auec vne piece d’escarlate, et en y appliquant chair de geline. Et pour ce le peuple dit, que à cette cause il est appellé Loup., car tous les iours il mange vne poulie, et que s’il ne l’auoit, il mangeroit la personne, Quoy qu’il en soit, telles choses sont temperées : et si elles ne profitent ne peuuent apporter grand dommage.

DOCTRINE SECONDE

Des vlceres, entant qiC.its sont en membres composez : elle a huict chapitres.

PREMIER CHAPITRE

Des vlceres de la teste, comme est Talparie, et Testudinaire \

ENONS de rechef à la méthode, et remonstrons combien est changée la commune curation des vlceres selon l’espece, en chaque partie de l’animal. Car il y a quatre indications qui sont prises de là, comme il a esté dit en la seconde doctrine du traité des aposternes : lesquelles bien que ayent esté desduites selon les parties similaires, neantmoins il en faut parler selon les instrumentales ^ en commençant à la teste. Et qui voudra bien rechercher, il trouuera qu’outre les intentions communes dites au propos commun des vlceres, il y a indications particulières d’icelle teste en prognostication et maniéré de curer.

Touchant le prognostic, nous sçauons que si les vlceres de la teste paruiennent iusques au crâne, et aux menyngues ® intérieures, comme souuent il aduient és passions dites Talparia et Testudinaria, l’operation n’importe pas petit. danger, mesmement prés des commissures. Et pource Rogier conseille de laisser plustost telle cure, que de la poursuiure par operation. Ce considéré, ainsi que est dessus dit, i’ay conseillé auec Lanfranc de pallier plus en tels maux, que de curer. Toutesfois Rogier, quant à la maniéré d’operer (au cas que le malade conuoite et requiere la curation) commande que tout le cuir soit séparé de la racine, et que le crâne infecté soit trépané et enleué, et accortement séparé de la dure mere, et

1. Ces mots viennent de talpa, tawpe, et tesludo, tortue, et sont pris de la forme de la tumeur, qui est comme une tortue sur la tête, ou comme une taupinière.

-1. « Secundum organicas. »