Menyngas intrinsecas

DOCT. II, CH. II. — ULCÈRES DE LA FACE

en ruginant applané. Puis soit mondifié, et incarné par le moyen des drapeaux et mesches trempées en miel rosat, et autres remedes, ainsi qu’a esté dit cy-dessus és playes de la teste. Et ainsi faisoit mon maistre de Bologne ; et ie l’ay fait en ce Grec qui auoit vne fistule, et corruption d’os en la teste au derrier des oreilles. Mais lamier qui remettoit ces vlceres au chapitre des fistules, conseilloit^ apres la trépanation et purification de l’os, vne telle poudre : PR. des grenouilles aquatiques bruslées, demy once : galles, sauge [et adjoustez-y myrrhe), de chacun deux drachmes, soit faite poudre. Et dessus la playe, suffira en ce cas le Diapalma, ou l’emplastre noir.

SECOND CHAPITRE

Des vlceres de la face.

face selon qu’elle contient plusieurs parties, a diuerses especes d’ulcere : sçauoir est, aux joues, aux yeux, aux oreilles, à la bouche, et semblables. En premier lieu, il faut parler de ceux qui communément viennent en tout le visage, et principalement aux joües prés du nez.

Du Noli me langer e.

Souuent il adulent, que apres les fprmis, et erysipeles malins, et autres vlceres et pustules maltraitées en la face, surtout en la racine du nez, és joües et aux léures, suruient vn vlcere corrosif, serpigneux, horrible, puant et virulent, qui vulgairement est .appellé Noli me tangere. Et est du genre des chancres, prouenant de cholere deux fois bruslée, ainsi que dessus a esté dit.

Ses signes sont, corrosion mordicatiue auec ardeur et piqueure, virulence puante, et sorditie mauuaise. Dont son arrachement est difficile et contagieux. Car tant plus on le touche plus est multiplié, et par ce est nommé Noli me tangere. Et auec ce le visage, spécialement à raison de sa foiblesse, reçoit aisément les matières.

Sa curation outre le régime vniuersel de la maniéré de viure et frequente purgation, dites aux apostemes, et pustules de cholere, et vlceres virulents, est qu’on laue le lieu de vinaigre trempé, ou d’eau alumineuse : et que par quelques iours on essaye si on le pourra desseicher et guérir auec les vnguents des vlceres virulents. Car telle a esté l’intention de lamier ; Et si on ne peut, on appliquera dessus auec vn plumaceau du

NicaISE. — Guy de Chauliac. 21

QUATRIÈME TRAITÉ. — ULCÈRES

liniment de Théodore, fait du suc de linaire et de plantin, auec sel gemme. Et par raison de la mordication, soient appliquez tout à l’entour drapeaux mouillez en vinaigre trempé, ou en suc de quelque herbe froide : et soit remûé trois fois en vingt et quatre heures, durant trois iours. Puis si le mal est estaiut, et le lieu soit mondifié auec du miel, suc de ache, et farine d’orge (ce que vous cognoistrez par la bonté de la chair), soit incarné et consolidé auec les vnguents des vlceres virulents. Et si le mal n’est estaint, qu’il soit traité comme il a esté dit du chancre vlceré, ainsi que fait Rogier, et les quatre Maistres : auec attention, que les corrosifs et les cautères soient conduits sagement. Car le lieu est sensible et mince, et les os spongieux, cartilagineux et faciles à altérer : tellement que. quand ils se percent des deux costez, ils ne se consolident iamais : comme il a esté cy-dessus allégué du sixiesme des Aphorismes. Et pource pour l’estaindre on y met plus seurement d’eau forte, auec une piece.

Des vlceres^ cancrositez.^ et vescies rompeus des yeux., et de Veleuation de Vvuée.

D’autant que les vlceres des yeux, outre ce qu’aucunes fois ils prouiennent des playes, le plus soutient ils sont faits des apostemes, oxitures, boutons, et pustules ou vescies : pourtant ce n’est pas de merueilles, si lesus les a appeliez vlceres, Auicenne exitures, et Azaram pustules. Et jaçoit qu’ils en ayent raconté sept especes distinctes, où selon les escorces de la cornée, ou selon leur situation superficielle et profonde, neantmoins parce qu’elles ne diuer^ifient pas beaucoup les intentions curatiues, soient laissées pour le présent, ainsi que conseille Lanfranc. Mais, s’il vous plait, tous vlceres des yeux soyent comprins, ainsi qu’il a esté presque dit de l’ophthalmie, en trois especes : sçauoir est en petits virulents, et en fort grands et chancreux, en médiocres et sordides : desquels tous (comme a dit lesus) les causes sont humeurs poignants et mordants, qui defluent aux yeux.

Les signes des vlceres aux yeux sont, douleurs et fluxions de larmes, et rougeurs ophthalmiques. Et quand on ouure l’œil, s’ils sont en la conjonctiue on y verra vn point rouge : si en la cornée, il sera blanc et nébuleux. Car les vlceres de la conjonctiue sont rouges, et de la cornée blancs, à raison de leurs corps, comme dit lesus et Auicenne : ce que déclaré la rascleure d’vne corne noire *. Et de cela procédé, que plusieurs sont deeeu

1. Ming. : « et pour preuve que ceux de la cornée paroissent blancs par le propre corps de cette membrane, on ne doit qu’observer qu’en ratissant une corne les raclures paroissent blanches. »

DOCT. II, CH. II, — ULCÈRES DE LA FACE

(■comme dit Gordon) croyons que la blancheur de la cornée soit par addition et y appliquant des consomptifs, ils gastent l’œil ; et toutesfois la blancheur ^ est, à cause que la cornée est creuse et vuide en cet endroit.

On iuge des vlceres des yeux, que s’ils s’enmalignent ils achemineront la cornée à disruption et à sortie et eleuation de l’vuée, et par conséquent à perdition de l’œil. On iuge aussi, que tels vlceres sont suiuis de cicatrices blanches qui ne peuuent estre effacées, d’autant que la cornée est membre spermatique, duquel les consolidations ne sont pas selon première intention, ains sont consolidées par vn moyen estranger, comme jà cy-dessus a esté dit, et sera encor dit. Dauantage, plusieurs iugements des vlceres communs ont icy lieu ; parquoy il faut à eux recourir. En outre, il est conseillé à l’operateur, que si auec les vlceres il y a notable ophthalmie, rheume et douleur de teste, il ne trauaille point le patient, iusques à tant que ces choses soient appaisées. On conseille aussi, qu’auant que cette passion poursuiue, on recoure au chapitre d’ophthalmie, parce que les intentions des vlceres et des ophthalmies communiquent en plusieurs choses.

La cure des vlceres des yeux (suiuant Galen au quatriesme de la Composition des médicaments selon les lieux) requiert la mesme, selon le genre, que les autres vlceres ; mais pour le naturel de la partie, il faut que les médicaments soient totalement exempts de mordication, mondifians, remplissans, et tels qui cicatrizent : entre lesquels on loué ceux qui ont de la tuthie : et qu’on y mesle de ses semblables lauez, et des sucs qui non seulement n’ayent aucune mordacité, ains qui puissent aussi mitiguer les vehementissimes douleurs ; comme est le suc de mandragore. Pour ceux qui sont sordides, il y fautmesler quelqu’vn des abstersifs : comme est le ceroyne auec quelques métalliques detersifs. Or, parce que les autres vlceres en leur curation ont quatre intentions, les vlceres des yeux auront pareillement quatre intentions. La première soit en la vie : la seconde en la matière antecedente et fluente : la troisiesme soit en l’administration de l’intention à l’endroit de l’vlcere ; et la- quatriesme en la correction des accidents.

La première et seconde intention sont accomplies, comme cy-dessus a esté dit, qu’on les accomplit en ophthalmie, en y adioustant cecy tou-

1. « Credentes quod sit ab ilia propter additionem... et tamea est alhedo. >> — Ms. de Montp. : « et Guident que ce soit albula pour la addicion. »

2. Il y a trois causes de la blancheur en la cornée ; l’vne à raison de la cicatrice : et telle blancheur est incurable, ne receuant que palliation. L’autre est bothorale, de quelque substance blanche, qui s’est là attachée : et telle estant par addition, se guérit au moyen des consumptifs. La troisiesme est d’vn vlcere, laquelle empire par l’vsage desdits consumptifs, qui sont detersifs vn peu acres. (J.)