Spéculum ad solem
DO CT. Il, CH. II. — ULCÈRES DE LA FACE
pernicieux : car on le iuge estre de la race des chancres occultes, lesquels il vaut mieux ne curer pas, que de les prendre en cure, comme dit Hippocrate. Et il luy suffit, selon Auicenne, d’vser de la voye blandiliue^ sans incision et corrosion. Mais la chair adjoustée, auéc laquelle le nez est traitable, et de bonne couleur, soit curée sans crainte, comme dit Brun. Dequoy il appert, qu’en la distribution mise de Rogier, et de plusieurs autres, que des Polypes, l’vn est guérissable, et l’autre incurable ; le Polype n’est prins proprement, ains largement, pour quelque chair que ce soit, née contre nature és narilles.
La curation commune des vlceres, et du Polype (ayant supposé le régime de vie, et la purgation, comme il a esté dit auparauant és matières acres, et melancholiques) est selon Galen au lieu dessus allégué, de seicher et fortifier la teste. Et de quelle sorte il conuient fortifier toute la teste, tellement que d’elle ne defluë ® aucune superfluité aux parties inferieures, il a esté souuent dit en l’ophthalmie : et sera dit és rheumes des yeux.
Et s’ensuit, qu’apres que vous aurez fortifié la teste par ces remedes, vous viendrez à la curation de l’ozæne, et des vlceres, ayans cette intention, de seicher la particule patiente auec medicamens de vertu meslée, sçauoir est repercussiue, et resolutiue. Dont au cinquiesme de la Thérapeutique il est dit, que le médicament doit estre beaucoup plus sec pour les narilles que pour les yeux, et moins que pour les oreilles.
Et pource, si les vlceres sont virulents, les onguents blancs, auec du plomb bruslé, leur sont propices, ainsi que met Halyabbas. Mais s’ils sont sordides, et crousteux, soient lauez auec du vin et miel, de la décoction de camomille, melilot, nasitort, ellebore et myrrhe, et s’il est necessaire auec de lalexiue. Puis soient mondifiez auec l’onguent des Aposlres. Et si on y met vne tente de la racine de flambe bastarde, longuement infuse en huile de genevre, dans lequel y ait de la scammonêe destrempée, elle mondifie tres-bien, et guérit. Et l’onguent des quatre Maistres, est en cecy spécial : lequel est fait de mente, agrimoine, œil de Christ, et veruaine, pilez auecoingt de pourceau. Et en apres soient consolidez auec lesdits onguents blancs.
S’ils sont corrosifs, il faut commencer par le médicament de Galen au troisième du Miamir, ({ni est receu d’Auicenne, des trois genres de grenade, aspre, douce et aigre. Il est fait selon luy, en cette maniéré : Il les faut découper, estans recentes et meures et les piler diligemment, afin qu’on en puisse exprimer le suc, lequel il conuient reposer en vn vaisseau d’estain, ou de verre, le cuisant vn peu, s’il est trop liquide. Ce qui
