Filum nodosum », fll avec des nœuds

DOCT. II, CH. II. — ULCÈRES DE LA FACE

mz au costé, iusques à Vos : puis ils coupent cette superfluité, et cauterizent : en apres ils le cousent bien, et ferme.

Toutesfois, ie ne conseille pas de le coudre, iusqu’à tant qu’on soit asseuré que le sang soit arresté, et le tout extirpé dés la racine : car il n’en peut demeurer si peu de la racine qu’il ne retourne, et ainsi l’operation auroit esté faite pour néant, et telle playe peut estre vtilement cousue par apres en renouuelant les léures.

Les autres, comme Rogier, couppent cette chair, y apportant vn fer chaud, par dedans vne cannule. Mais i’ay souuent veu que ladite cannule receuoit tellement la chaleur du cautere, que le patient ne pouuoit souffrir l’operation, et quand on la garnit de drapeaux, elle est si empeschante, que difficilement on fait l’operation. Si le patient craint le fer chaud, Rogier commande y appliquer vn stuël ou tente teincte d’vn ruptoire, et quand l’éscharre sera tombée, le guérit comme les autres playes. Or en tout cas, on doit mettre à l’entour des refrigeratifs, et deffensifs et sédatifs de douleur : et qu’on y applique des tentes de plomb cannulées quand sera besoin.

Du flux de sang qui verse par le nez.

G ALEX a escrit au troisiesme du Miamir, que Heraclide Tarentin, pour restraindre, apres auoir osté les grumeaux^, appliquait premièrement vne tente oingte de lycion destrempé en eau, et prenant par dehors auec ses doigts la narille, la comprimoit iusqu’à ce qu’il s’arrestast, où il y mettait vne mesche oingte d’encens et autres remedes ordonnez aux playes, trempés en ius de la renoüée, qui est la verge ou bourse du berger®. Il y sert aussi (comme il dit) de refroidir le front auec des esponges trempées en vinaigre très fort, et de tenir haussées les parties de la teste : aussi de lier et frotter les bras, les mains, aynes, testicules, en retirant les genoüils et les pieds Car par ces moyens le sang est destourné, et laisse les narilles; et doit on donner à boire choses refroidissantes, et boucher souuent les narilles auec des drapeaux, et tenir en la bouche eau de pluye froide.

Au cinquiesme de la Thérapeutique^ Galen ne loue pas les adstrin-