A tota specie. » Canappe : de toute sa propriété

DOCT. II, CH. VIL — ULCÈRES DES HANCHES

SIXIESME CHAPITRE

Des vlceres du ventre.

jEs vlceres du ventre qui ne pénétrent, sont traitez comme les autres. Ceux qui pénétrent, sont mis au genre des fistules, ausquelles peu vaut la curation. Car il suffit qu’ils soient palliez auec bon régime et breuuage conuenant, et nettoyement auec emplastre mondificatif et consolidatif.

SEPTIESME CHAPITRE

Des vlceres des hanches et de leurs parties.

vx hanches quelquefois y a des vlceres és membres contenans, quelquefois aux contenus, et quelquefois és membres qui en precedent ; comme en la verge, en la bourse des testicules, et au fondement \ Quant aux vlceres qui sont faits és membres contenans, ils sont traitez de mesme que les vlceres du ventre. Ceux qui sont faits és membres contenus, ne sont pas de la connoissance du Chirurgien. Ceux qui sont faits és parties qui en precedent, comme en la verge et au col de la matrice, sont escorchures, eschauffements vlceres virulents, pourris, corrosifs et chancreux : au fondement, rhagades, vlceres, fistules : en tous deux, hæmorrhoïdes, chairs adioustées, atrices fies, et condylomes.

Les causes sont, mauuais humeurs corrompus, et apostemes, et playes mal traitées, frottemens et attouchemens desordonnez.

Leurs signes sont manifestes à la veuë, à l’attouchement : et l’instrument dit miroir ^ aide fort à cecy, selon Auicenne.