DOCT. II, CH. VIL — FISTULES AU FONDEMENT
lifs de douleur. Si le patient ne peut attendre la douleur, en ce cas, Rogier conseille qu’on lie au bout du fil vne petite bandelette de linge oingte de quelque corrosif, et en retirant le filet ou cordette, on y lairra la bandelette. Qu’elle soit liée, mais non pas estroitement. Et que lors on applique par dessus des mitigatifs de l’ardeur.
La maniéré du retranchement auec la faucille est que l’on attire tant qu’on pourra, auec vne cordette mise par dehors, le boyau compris par ladite cordette, et puis introduisant l’instrument dit Bien-tranchant par Albucasis, tout ce qui a esté comprins par la cordette soit tranché, de sorte que la cordette soit deliurée. Ou autrement selon mon Maistre, qu’on introduise par le trou de la cordette vn instrument courbe et caue d’vn costé^ : et que par dessus auec vn cultellaire ardant soit tranché tout le comprins, tellement que la cordette et l’instrument en soient deliurez. Ayant tranché du boyau ce qui estoit comprins par la cordette, et ayant vny le trou non naturel auec le naturel, le lieu estant mondifié de l’escharre (si aucun y en a), soit incarné auec fomentation de vin, et vnguent des Apostres, et emplastre noir, et poudre incarnatiue (s’il en est de besoin), comme disoit Rhasis.
Nonobstant que Brun et Théodore veulent, qu’il faut apres l’incision, que la fistule soit mortifiée, et la callosité destruite, ie ne vois pas qu’il profite aucunement d’oster cette callosité : qui plus est, il l’a faut retenir ® et procurer plus grande. Car toute l’intention doit estre apres l’incision, que tout le trou soit coriacé et cicatrizé, comme est le boyau ; afin que les excrements ne chéent sur la chair nuë, et qu’ils y causent douleur.
Des rhagades. Aux rhagades ou fendilleures qui sont au fondement, en la verge, et en la matrice, supposée la diette remollitiue, il profite de fomenter le lieu auec eau de la décoction des maulues et de leurs racines, et semence de lin : et oindre le lieu de cet vnguent de Rhasis, qui est receu de Lanfranc ; PR. d’huile rosat, huict onces : cire, trois onces : ceruse, demy once : plomb bruslé, deux drachmes : amydon et tragacanth, de chacun vne drachme : opion et camphre, de chacun demy drachme : deux aulbins (Bœufs, soit fait vnguent.
Les bandages de toutes ces parties ne sont (pour la pluspart) qu’à retenir les médicaments, et se font és passions du fondement et des aynes, auec le braye® et la bande pendante fourchue : en la bourse des testicules, auec vne coëffe ; en la verge, auec vn sachet, tous liez au braye.
