Quaedam est incisa : quaedam contusa
NicAISE'. — Guy de Chauliac.
CINQUIÈME TRAITÉ. — FRACTURES ET DISLOCATIONS
de celles qui ne sont plus, on ne prend pas indication curatiue, ains significatiiie tant seulement. Doncques la seule disposition délaissée, et la nature de la partie, sont les choses principales qui indiquent la curation. Or la disposition contient l’essence du mal, et ses accidents ou dispositions conséquentes. Et suiuant cela il est dit, que des fractures l’vne est simple, l’autre composée ; et des simples, selon Galen au sixième dessus allégué, Fvne est en verge, ou de trauers : l’autre fendilleuse, ou de long Et de chacune d’icelles (comme dit Lanfranc), il y en a de complétés où l’os est rompu tout en rond : et d’incompletes, où il n’y a de rompu que la moitié, ou quelque partie seulement. Et encore de ces deux façons, l’vne est esgale et plaine®, l’autre inesgale, squilleuse, et à pièces. Et outre ce, chacune d’icelles est en vn seul os, ou en deux os associez.
Des composées, l’vne est auec playe, l’autre auec douleur, l’autre auec apostemé. Il y en a qui cheuauchent, et sont notiez de l’os mal consolidé, et ainsi des autres. Ce qu’on prend de la nature des parties, est selon Albucasis, que les vues sont en l’os de la teste, les autres en l’os du nez, les autres en l’os de la maschoire, les autres en la clauette, és bras, et ainsi consecutiuement. Car de telles différences on prend les indications curatiues.
Les causes des fractures sont (comme des autres playes) tout ce qui peut casser et rompre les os : comme est la cheute et le coup.
Les signes des fractures, selon Halyabbas au huictiesme sermon de la première partie de la Disposition Royale^ sont manifestes au sens. Car si la main s’en approche, et touche le membre rompu, elle trouue les parties de l’os séparées l’vne de l’autre, et variables, et la figure du membre inégale. Et selon Rhasis et Auicenne, en palpant auec la main, on oyt vn criquement en l’os : et la douleur, quand on y touche, et l’impuissance de se soutenir, tesmoignent là dessus : et les causes qui rompent aident à cela, comme dit Auicenne. Yray est qu’en la fracture qui est de long, on ne trouue qu’vne grosseur contre nature en la substance de l’os comme dit Lanfranc, sans presence des autres signes, comme dit Rhasis. Toutesfois il y a douleur et quelque inesgalité, ainsi que le sens monstre. Les autres différences sont cognuës du sens et de la presence de chacune.
Il est iugé par Auicenne (outre les iugemens donnez auparauant és playes des os : auquel chapitre il faut recourir en plusieurs choses pour
• I . « Quaedam est virgalis seu transuersalis, quaedam est scissuralis seu longitudiaalis. »
2. On appelle ainsi la fracture qui est de travers esgalement, et sans squilles ou brises : comme si vous aviez rompu une coste au tronc de chou, de laquelle similitude les Grecs disent telle fracture oca-j).ïiSov. (J.)
3. « Verum in longitudinali non inuenitur grossities naturalis in substantia ossis. »
DOCT. I, CH. I. — DE LA. RABILLEURE DES FRACTURES
3dd
celle malière) que la fracture de trauers entière, est de mauuais rabil- 1er : parce que les os difficilement demeurent comme en leur continuité naturelle, et pourtant il adulent souuent, que les os cheuauchent l’vn sur l’autre ; et mesmement quand elle est en vn os seul, non associé, comme en la cuisse : ou en deux associez. Dauantage, la fracture qui est prés de la jointure est difficile ; car elle ne peut eslre bien liée, et le plus souuent il y demeure mouuement difficile et dur. En outre, la fracture auec douleur et aposteme et fouleure de chair, et qui est à pièces, est mauuaise : d’autant qu’elle ne peut estre bien raccoustrée, iusques à tant que ces choses soient corrigées.
La fracture aussi qui est auec playe et deschirure, est mal aisée, car il y faut laisser vn trou pour penser la playe ; et les bandes et astelles y défaillent, parquoy le membre ne peut estre bien retenu en son esgalisation. La fracture, tant plus elle tarde à estre rabillée, tant plus est mauuaise : parce qu’elle s’endurcit, et ses espaces se remplissent de substance estrangère : et ainsi au rabillement, elle a besoin de grande extension ; et la grande extension est suspecte de conuulsion ainsi que met Auicenne.
Dauantage les fractures sont differentes selon le temps et terme qu’elles demeurent à s’agglutiner et guérir, comme le crâne en trente et cinq iours, l’os du nez en dix-huict, vne coste en vingt, et ainsi des autres, comme il sera dit cy-apres. Et à cecy l’âge adjouste et diminue, ainsi que lamier escrit. En outre, Auicenne et Halyabbas au neufiesme sermon . de la seconde partie, disent, que les causes pourquoy les os sont tardifs à se consolider, sont la grande embrocation auec eau chaude, et quand on les remue souuent, et qu’on se haste de mouuoir la partie, et quand ïl y a peu de sang visqueux, ou trop grande estroitesse ® empeschant le membre d’estre nourry, ou la presence des pièces d’os. Et pourtant dit Auicenne, que la restauration est moindre és cholerics, et aux conualescens, et aux vieillards aussi : voire Albucasis et lamier disent, qu’aux décrépits il ne se fait aucun rabillement.
Les choses qui signifient, que le membre soit raccoustré, est l’égale composition, comparée à l’os associé et pareil : et le plaisir qu’on sent, et le sang qui apparoit, jetté de Nature soigneusement à la fracture : et pourtant il est dit, que l’enflure du membre, sans grande douleur, apres le premier appareil, et la desenflure apres le temps de réparation, est bon signe.
La cure generale fractures, ensuit les intentions generales des playes, dites au traité des playes cy dessus. Et (comme nous auons de
