I. a Cannuli cum chordula ligati

DOCT. I, CII. I. — DE LA RABILLEÜRE DES FRACTURES

Le second document est, de l’esgalization. C’est qu’au temps de l’esgalization il y ait deux seruiteurs, et que l’vn tienne et tire le membre d’vn bout, et l’autre de l’autre directement, afin que les eminences ou pointes ne se rompent. Et s’ils ne peuuent auec les mains conuenablement estendre le membre rompu, qu’on luy mette à l’entour des laqs, ou instruments tels qu’Hippocrate nous a enseignez, comme dit Galen au lieu dessus allégué. le croy que ces instruments sont des tournoirs de bois, auec colomnes comme disoit Albucasis, ou faits en façon d’espingales, comme auoit celuy de Lunel Le membre estant ainsi estendu, que le maistre en le maniant de ses mains selon la longueur tout bellement, rameine au contraire ce qui est sorty, vsant de l’exemple du membre sain, ainsi que dit Galen au lieu dessus allégué.

Le troisiesme document est que la conseruation qui se fera par ligature, et par situation, soit aisée et non douloureuse. Donc que chacun élise, dit Galen, à l’estendre, au façonner, au bander, et au poser, la maniéré et figure la plus quitte de douleur. Car il n’y a rien qui cause plus la destruction du membre, que la douleur prouenant de trop grande estroitesse et inepte situation. Et soit aduisé, que i’ay veu beaucoup de membres esthiomenes et corrompus à cause de cela : dequoy Rhasis aussi aduertit l’Operateur. Car le bandage qui est lasche, ne tient pas les os : et celuy qui est fort serré, fait douleur, et ne permet que la vie paruienne au membre. Qu’on le fasse donc médiocre, et sa limitation est, la bonne tolérance, comme Rhasis dit, et a esté dit par cy-deuant.

Hippocrate conseille trois bandes en la ligature d’vne fracture. La première commence au lieu de la fracture en montant, qui empesche la descente de la matière. La seconde en descendant dudit lieu, qui exprime la matière. Ces deux premières bandes gardent ensemble, et fortifient la fracture, et la preseruent d’inflammation, comme dit Galen, en contenant la fracture de plusieurs reuolutions, gaignant vers le sain tant qu’il est de besoin. Toutefois elles ne suffisent pas, s’il n’y a vne troisiesme, laquelle a esté inuentée pour la garde des plumaceaux. Et à ce qu’il n’y suruienne inflammation, il commande vser du cerat, au lieu duquel on met huile rosat : et si c’est auecques playe, le vin aspre et noir. Et Rhasis conseille qu’enuiron le septiesme iour, on commence à faire ligature plus estroitte, laquelle toutesfois soit plus lasche au commencement et à la fin : au commencement, pour crainte de l’aposteme, et à la fin, afin que la partie soit mieux nourrie.

La situation conuenable est préparée en deux façons, ainsi que dit

1. « Siat corni ligne! cum columnis... aut facti ad modum spingnlarum. » loo9. — Ganappe : « le croy que ce soyent bois courbez auec coulonnes... ou faits en la maniéré d’espingales. »