De Limello

CINQUIÈME TRAITÉ. — FRACTURES ET DISLOCATIONS

Galen : l’vne de l’intention commune, qu’elle soit exempte de douleur; l’autre de la nature de la partie, et de la coustume. Ces deux façons s’accordent ensemble : d’autant que la figure naturelle et accoustumée de la partie est grandement sans douleur, et de cette situation on aduertit infiniment le patient qu’il l’a garde. A ces fin sont inuentez les berceaux et suspensoires ‘ et instruments mécaniques, pour tenir les membres plus fermement et seurement.

Le quatriesme document est, que dès le commencement on applique des astelles legeres, ou quelque chose en lieu d’icelles ; non pas à restraindre, ains seulement à soustenir iusques au septiesme iour, que le temps de l’apostemation soit passé. Et pour lors qu’on y mette de bonnes astelles, et suffisantes à restreindre et soustenir : et soient continuées iusques à la fin que le cal soit bien ferme. Et (comme dit Auicenne) que l’on ne se haste pas de les ester. Surquoy dit Galen au sixiesme, quand tout apparoistra plus gresle, et sans aucun empeschement deu à l’inflammation, adonc il est permis de mettre les ferules ^ à l’entour, et les presser : mais auparauant quand le phlegmon dominoit, iaçoit que l’intention fust auparauant de les mettre pour soustenir, neantmoins il n’estoit pas seur de les presser

Le cinquiesme document est du temps du remuement : que le remuement ne soit fait (s’il appert que la fracture soit bien racoustrée, et qu’il n’en aduienne rien de sinistre) iusques à dix, quinze, ou vingt iours ; car tant plus tard on le deffait, tant mieux, dit Rhasis. Ains si on doute qu’elle ne soit racoustrée, on la peut remuer dans sept ou dix iours, car le cal ne s’engendre pas encores. Et s’il y a quelque chose à ramander, adonc elle peut estre ramandée. Mais s’il y adulent douleur, ou aposteme, ou démangeaison, dans trois iours soit remuée, et ainsi l’a voulu Auicenne. Donc Galen au lieu que dessus (vray est que la lettre est brouillée, et parauanture aux exemplaires Grecs elle est ainsi mal trouué : car ce « desbander dans » c’est vn argument négatif) ^ dit

1. Berceaux, sont caisses et estuis à tenir vn membre rompu en deuë figure. On les fait de diuerse figure et grandeur, selon la partie, et de diuerse matière ; comme de bois, fer blanc, cuir boüilly, crouste de courge, escorce d’arbres, etc. Les suspensoires . sont cordes ou cordons, pendans au Uct, ausquels le malade se prend pour soustenir le corps quand il se veut remuer, et accommoder. (J.) — L’interprétation de Joubert au sujet des « suspensoires » ne me paraît pas exacte. 11 s’agit plutôt d’appareils à suspension. — Le latin dit : cunabula et suspensoria.