Versus 8 diem. » 1539. — Ms. Montp. : dixiesme iour

CINQUIÈME TRAITÉ. — FRACTURES ET DISLOCATIONS

peut tordre: et sur tant de plumaceaux ne se peut faire deuë ligature.

Si est-ce qu’en tenant le milieu, inclinant toutesfois plus à la maniéré de Galen, Albucasis, Auicenne et Halyabbas, suiuant les documens donnez auparauant, i' accomplis ces deux intentions auec trois ordres. En premier, ie regarde, qu’en conseruant, la douleur s’appaise. En second lieu, que en conseruant, le cal s’engendre. Et pour le troisiesme, qu’en conseruant, le membre soit conforté, et remis à ses actions.

premier ordre est ainsi accomply : que la fracture esgalisée, tandis que le membre estendu est encor soustenu par les seruiteurs, soit liée, auec vne bande longue et large selon la nature du membre, ou immédiatement (comme fait Rogier), ou y entreuenant quelque drapeau, ou legere estoupade (comme veut Lanfranc : pourueu qu’elle ne soit tant grosse, qu’elle empesche la decente ligature) plongée au meslange de l’aulbin d’œuf, et huile rosat : commençant s-ur la fracture, descendant et montant, prenant assez de la partie saine, pleinement % et sans douleur, estraignant toutesfois plus à l’endroit de la fracture. Et que dessus ce bandage on applique et couse vn feutre, ou vn drapeau en double, ou des estoupes trempées et exprimées, qui comprennent tout le membre, afin que les astelles ne l’olfencent. Par dessus, on liera auec stiiels ou bandelette les astelles de bois, ou de cuir, faites selon la nature du membre : lequel à ce qu’il repose en lieu ferme et tranquille, soit situé auec ses appuis. Lendemain, s’il est necessaire et possible, le patient soit saigné, et qu’on luy enjoigne l’abstinence ^ Du ventre il ne s’en faut pas soucier és premiers jours, spécialement, si la fracture est és parties basses. Et ne soit remué, iusques à dix ou quinze iours : sinon que la fracture fust mal racoustrée, ou que y suruint autre chose qui en fist instance. Pour lors, soit deslié apres le troisiesme ou quatriesme iour : et ayant réparé ce qu’il falloit, soit rabillé, comme auparauant, et ainsi le premier ordre est accomply.

On accomplit le second de cette sorte, que passé le douziesme ou quinziesme iour, quand la matière du cal commence à venir, ce que l’on apperçoit, par l’appaisement de douleur, et qu’il n’y vient point d’aposteme, et que le membre est bien coloré, etc., le bandage soit défiait, et le membre laué auec de l’eau chaude. Et s’il y a quelque chose à reparer, soit reparée : et l’emplastre fait de farine folle, et poudre rouge, auec aulbin d’œuf, estendu sur vn drapeau, y soit appliqué et bandé, et qu’on fasse toutes autres choses, comme au premier appareil : sinon qu’il faut vn peu plus restreindre : et que de là le régime soit eugrossi, et si besoin est, le ventre soit amolly. Et ainsi soit remüé du septiesme au