Et regimen subtile
DOCT. I, CH. I. — DE LA RABILLEURE DES FRACTURES
neufiesme, ou plus lard, iusques à tant que l’os soit bien lié du cal, ce que l’on sçait par l’attouchement et desenflure, et que le temps est venu auquel il doit estre ferme.
A donc il faut commencer le troisiesme^ qui est, de lauer de trois en trois iours le membre de vin salé, auquel ayent boüilly des roses, de l’aloyne, et de la mousse du chesne : et soit bandé auec bonne estoupade trempée dans ce vin, et exprimée, et auec deux ou trois astelles ; Et lors le membre soit remis de peu à peu, et sagement à ses actions coustumieres, et enfin s’il est de besoin, soit adoucy auec Dialthæa, et Oxycrat.
La quatriesme ou cinquiesme intention est accomplie, selon que les accidents s’y rencontrent : comme s’il y a douleur ou aposteme, auant toutes choses (mesmes s’il estoit lié) soit defîait : et qu’on les appaise auec laine, huile et vinaigre, et autres remedes conuenables, et ne soit point lié ne astellé, sinon à soustenir le membre, et à tenir les médicaments, en attendant que tout soit appaisé. Pour lors qu’on retourne à le rabiller, comme dit est. S’il y suruient démangeaison, qu’on desbande, et le membre soit arrousé d’eau salée, ou engraissé d’vnguent blanc ou de populeon : et soit bandé comme deuant. S’il y a eu playe des le commencement, ou depuis pour en retirer des pièces elles en estant retirées doucement (ainsi qu’il a esté dit cy-dessus au traité des playes des os, auquel lieu il faut recourir pour telles fractures), soit raccoustré comme dit est. Et quand elle fera sanie, qu’on y laisse vn trou par où la playe puisse estre mondifiée quand sera de besoin. Si le cal est petit, que la nourriture soit attirée au lieu auec frictions et embrocations, et emplastres de poix et ligature lasche. S’il est trop grand, soit restraint par vne lame de plomb, et ligature. Si l’os a esté mal consolidé, et le cal est recent de six mois, soit remolly auec vn baing, et emplastres de guimaulue, et semblables, durant quinze iours, comme dit lamier : et en l’estendant auec des tyssus ou lizieres des deux costez, l’os soit rompu derechef, en luy donnant du genoüil et incontinent soit esgalisé, et rabillé comme dit est.
Sonnent il est possible qu’en adoucissant le cal, la fracture soit esgalisée ®, auec ce que tu sçais, dit Auicenne : à quoy i’ay veu estre vtile le poix auec vne poulie. Mais si elle est vieille, et le cal endurcy, qu’on le laisse suiuant le conseil de tous les experts. Car il eust mieux valu à ce
