De brachio et focilibus ejus
A. a De rasceta et digitis manus. »
366 CINQUIÈME TRAITÉ. — FRACTURES ET DISLOCATIONS
gueres aux os du brasselet (parce qu’ils sont fort durs), ains séparation. Surquoy Albucasis conseille que la main soit estenduë sur vne table, et en pressant et façonnant ils soient réduits, emplastrez, bandez et astellez comme il appartient : et que la paulme de la main soit remplie d’estoupes, ou de drapeaux : et les doigts soient liez l’vn à l’autre. On la remué de quatre en quatre iours, et est ferme en vingt.
SIXTESME CHAPITRE
De la fracture des costes, et des parties de lapoictrine.
f^ut entendre, que la fracture de la clauette, des costes, et des os de la poitrine, conuiennent en plusieurs différences et causes, signes, iugements, et maniéré de curation. Car (comme il a esté dit de la clauette) elles sont quelquesfois rompues en dedans, quelquesfois en dehors : mais autresfois les costes se plient, et ne se rompent point.
Les signes sont communs : outre ce, que quand elles se rompent ou plient en dedans, il en adulent des accidens de pleuresie, par nuisance de l’haleine, et crachement de sang, et toux : parquoy telle fracture est fort dangereuse.
En sa curation il conuient entendre, que Halyabbas, Auicenne, Albucasis, et plusieurs autres traitent diuersement et sans distinction de la fracture des costes. Car Albucasis, Auicenne et Halyabbas la pensent auec laine et huile, cuissinets et bandages. Rogier l’égalise, et réduit de ses mains oingtes de quelque glu, dans le bain, ou prés du feu, l’affermissant auec de l’Apostolicon. lamier, de mesme : sinon que durant les quatre premiers iours, il l’emplastre auec du miel et cumin, bayes de laurier, pouliot et coste. Laquelle façon de faire ^ ainsi qu’affirme Théodore, Hugues son Maistre ensuiuoit.
Mais Brun vse de cette distinction ; la fracture qui est en dehors, il l’égalise de ses mains, et l’emplastre et astelle conuenablement : celle qui décliné en dedans, si elle est petite, il la fomente comme Auicenne, auec huile et laine ; si elle est grande, il l’ouure et attire. Guillaume de Salicet l’égalise de ses mains, et l’emplastre auec blanc d’œuf, farine et autres
1. Cecy doit estre rapporté à la maniéré de Rogier, selon Theodoric, qui descrit ce que maistre Hugues avait accoutumé de faire. (J.)
