DOCT. I, CH. VIL — FRACTURE DE LA CUISSE
glutinatifs : Lanfranc y procédé comme Rogier, sinon qu’il commande que le patient en toussant aide à retirer la coste en dehors.
Quant à moy, en telle fracture, supposé le régime vniuersel de la phlébotomie, et du ventre et diette, et breuuage dissipant la matière congelée (comme le broüet de poix ciche), ie distingue, comme fait Brun : ou elle décliné en dehors, et adonc en pressant des mains i’égalise, et auec emplastre de blancs d’œufs, et farine, et autres glutinatifs, et bonnes estoupades, astelle de semelle et longue bande, i’alfermis le lieu : et enfin ie l’adoucis auec dialthæa etoxycrat : Ou elle décliné en dedans, et adonc, comme Rogier, lamier et Lanfranc, estant le patient dans le bain, ou prés du feu, mes mains ointes de therebintine, ou de quelque glu, et appliquées sur la partie déprimée, en attirant (auec l’aide de la toux et rétention d’haleine du patient) ie l’esleue de tout mon sens : et s’il est necessaire, i’y pose vne ventouse : ou ie l’ouure \ comme dit Auicenne. Et i’applique sur la partie durant les premiers trois ou quatre iours, pour appaiser la douleur, et empescher l’apostemation, de l’huile rosat, et des blancs d’œufs, auec des estoupes : et le bande d’vn leger bandage, seulement à retenir les medicamens. Puis ie le gouuerne auec l’emplastre de farine de febues et de miel. En fin ie l’adoucis auec Dialthæa et oxycrat. On le remue de cinq en cinq iours, et est alfermy en vingt.
SEPTIESME CHAPITRE
De la fracture de l'os de la hanche et de la cuisse.
'os de la hanche n’est guieres souuent rompu, mais quelquesfois se fend , et ses bords se brisent. Quelquesfois il est poussé au ventre : dequoy il en aduient douleur et stupeur en la cuisse : et en sont les cuisses, diminuées, et est chose assez difficile à réduire. En la réduisant, il faut estendre les cuisses, et pousser la hanche, et la réduire comme on pourra, puis l’emplastrer et bander.
De la cuisse. Quand la cuisse est rompue, la forte extension y est necessaire, comme dit Auicenne. Or pour cette fracture, et de tous autres membres, il faut entendre, que quant à leurs causes, et au régime aussi en general, il faut auoir recours aux propos vniuersels dessusdits : sinon
i. « Aut aperio vt dicit Auic.
CINQUIÈME TRAITÉ. — FRACTURES ET DISLOCATIONS
quant est de la fracture de la cuisse, elle n’est guere exempte de boitement, comme dit Auicenne. Toutefois il faut sçauoir en spécial, que presque tous s’accordent, qu’il faut procéder de mesme en son régime, qu’en la fracture de l’adiutoire : sauf qu’il faut qu’on l’estende plus fort. Et pourtant, ils commandent de l’estendre par deux seruiteurs auec des ligaments, liez au dessus et au dessous de la fracture. Ils commandent aussi qu’elle soit plus fort bandée et soit astellée de six ou sept astelles ; et Guillaume veut que les extérieures soient plus longues et plus fortes. Toutesfois trois suftiroient à Albucasis. Car il est commandé lier la jambe auec la cuisse en lieu d’astelles, de sorte que le talon paruienne aux fesses/ : ce qui ne me plaist pas.
Mais en la maniéré de situer, ils sont differents, car les vns (comme Rogier, Albucasis et Guillaume) la situent en vn lict plain ^ et l’appuyent deçà et delà, auec drapeaux et estoupes, ce que ie ne loué point. Les autres (comme Maistre Pierre) auec soustenements ® faits de pailles longues, de la longueur du pied, enueloppées d’un linceul, et cousues, lient par dessus auec trois ou quatre bandes. Les autres (comme Auicenne et Brun : à quoy consent Rogier) auec deux astelles longues iusques aux pieds, liées semblablement auec des bandeaux. Quelques-vns comme Lanfranc, et plusieurs modernes, la mettent dans vne caisse ou berceau, iusques aux pieds. Toutesfois quoy qu’ils diuersifient, tous entendent tellement situer la cuisse rompue égalisée, qu’elle se repose sans fascherie, et ne bouge, ne décliné à quelque costé. Et pource Rogier aduertit l’operateur, que la cuisse malade soit tenue du long de la saine. Et pour plus grande cautelle le Romain les situoit en vn lict estroit et percé, afin qu’il puisse aller à la selle, sans se leuer du siégé, et lioit la cuisse et la iambe en trois ou quatre endroits auec les bords du lict, et le pied à vn pilier, à ce que le patient ne la peut tirer à soy, comme fait Théodore.
Quant à moy, la cuisse estant liée auec des astelles longues iusques aux pieds, ie raffermis quelquefois auec les susdits appuyemens de paille, quelquefois auec vné caisse : et ï attache au pied vn poids de plomb, passant la corde sur vne petite poulie, de sorte qu’il tiendra la iambe en sa longueur : et s’il y a quelque defaut en l’égalisation, en tirant petit à petit il se racoustrera. On le remué de neuf en neuf iours, et plus tard. Il est ferme dans cinquante iours.
1. a Quia crus loco hastellarum praecipiebatur ligati cum coxa, vt calcaneus perueniret ad nates. »
