DOCT. U, CH. VH. — DISLOCATION DE LA HANCHE

SIXIESME CHAPITRE De la dislocation de la main et des doigts.

'es os du carpe ou brasselet, facilement se desnouent, et facilement se remettent, pourueu seulement que cela soit fait recentement. Ils peuuent estre deslouës de toutes parts, mais principalement de par deuant et par derrière.

Cette dislocation est signifiée par les signes communs.

De son régime.^ il faut entendre que toute l’intention gist à bien estendre, plier et hausser la jointure deçà et delà, et presser l’eminence. Et si par tel moyen elle ne peut estre rabillée, Albucasis enseigne de presser l’eminence sur vne table, auec la main ; pour l’affermir il n’y faut rien faire plus que aux autres : sinon qu’elle soit astellée auec bois ou semelle, et soit pensée de quatre en quatre iours. Elle est ferme (selon lamier) en douze iours : Et puis soit adoucie, comme dit est.

SEPTIESME CHAPITRE De la dislocation de la hanche, ou cuisse.

VR la desnoueure de la cuisse, il faut entendre que les autheurs sont variables entre eux. Car Albucasis n’en met que de trois sortes : sçauoir est en dedans, en dehors, et en derrière.

Brun, Théodore et Lanfranc, suiuant Auicenne, en mettent

quatre ; et en faisant la comparaison, ils disent que le plus souuent elle adulent en dehors, et rarement en dedans. Guillaume de Salicet leur contredit en la comparaison, parce qu’il dit que le plus souuent elle se desnoue en derrière, et iamais en dehors, à cause de l’os et le lien de la hanche. Mais veu que les moyens de la curation concurrent presque en deux poincts : c’est à sçauoir, de rabiller en dedans et en derrière, pourtant il ne se faut gueres soucier de cela.

Sur les signes il faut entendre, que outre les communs, Auicenne a le mieux de tous spécifié les propres signes, des paroles duquel (aùec ce qu’il a dit au second paragraphe de ce chapitre-là) nous auons, qu’à la desnoueure en dedans et en deuant, la iambe malade est plus

CINQUIÈME TRAITÉ. — FRACTURES ET DISLOCATIONS

longue que l'autre, et foule ou touche terre de tout le pied, et ne se peut joindre à l’autre, ne se plier (d’autant que la teste de la cuisse est entrée en l’ayne, et l’a enflée), et il y appert enfonceure par dehors. Au contraire, à la desloueure en dehors et en derrière, la iambe est plus courte, et ne touche pas du talon à terre, et ne peut estre séparée de l’autre : et il y a enfonceure en l’ayne et eininence en dehors.

Sur le moyen de la réduire il faut entendre, quejaçoit que les autheurs mettent plusieurs et diuers moyens de réduire ces sortes de dislocations, neantmoins ils sont tous réduits en vn moyen commun et deux propres. Le moyen commun est (selon Albucasis) fort vtile à toutes les sortes, quand on ignore la propre sorte de dislocation. C’est que l’on tienne bien fort le patient par les espaules : où qu’il soit lié par là et par la racine de la cuisse, avec vne bande à vn pilier auec vn tournoir ‘ : et qu’elle soit aussi tirée des mains par l’ayne, et de l’autre cousté par la partie du genoüil, la cuisse soit fort tirée : et à vne fois soit telle l’extension, que le patient soit presques esleué de terre, et adonc la cuisse soit tant remuée de tous costez, qu’elle soit réduite.

Le premier moyen, propre à la dislocation en dedans et en deuant, est que (comme nous auons dit), le patient soit tiré, et tandis qu’on pressera du talon l’eminence vers l’ayne, la cuisse soit par le genoüil menée en dedans.

Le second moyen, propre à la dislocation en dehors et en derrière, est que le patient soit semblablement tiré : et- quand l’eminence sera poussée de dehors auec le genoüil, la cuisse soit tirée en dehors par le genoüil.

■ La perfection de la réduction est manifestée par la longueur pareille à la saine, comme dit Rogier, et lamier son imitateur. l’ay autresfois fait cet engin à estendre la jointure ; On estendoit vne table plus longue que le patient, et en chaque bout on asseuroit vn pilier : puis auec vne touaille ou nappe qui passoit par les aynes, audessous du dos, et dessus le ventre, on le lioit au pilier; et d’vne autre nappe ayant lié la cuisse sur le genoüil, enueloppant toute la iambe isques au talon, on le lioit à l’autre pilier : et auec des chenilles mises entre la nappe et le pilier en tordant, elle estoit tirée de toutes parts.

Quant au moyen de l’affermir, il n’y faut faire autre chose, que aux autres ; sinon qu’on le lie plus ferme, commençant sur l’eminence, passant deuant à la partie opposite, et derrière par les reins à la partie saine. Et à l’interne, on met vne piece de drapeau où d’estoupe sur l’ayne : et on la lie auec la iambe saine. Et quand elle est ancienne, le pied est

1. a Cum fascia ad columnam cuni corio (avec un cuir) . et tune tantum coxa

ad eadem parlera moueatur (remuée à même endroit). » 1499, 1339. — Le ms. de Montp., Canappe et Joubert donnent un texte analogue à celui que je reproduis.

DOCT. II, CH. Vin. — DESNOUEURE DU GENOU

suspendu à l’espaule auec vne estriuiere, comme dit Auicenne. En l’exterieure on met vne astelle longue iusques au talon ; et quand elle est ancienne, on lie le poix de trois ou quatre liures à la cuisse, en comprenant la iambe, et est pendue en vne poulie. On la pense de cinq en cinq iours, et est ferme en trente iours.

HVIGTIESME CHAPITRE

De la desnoüeure du genoüil, de la rouelle^ du pied, et de ses parties.

genoüil est aisé à desloüer : car par fortune il se demet, sans autre occasion que du marcher viste, ou il glisse vn peu, comme vn canal \ Souuent il se desnouë, sans autre occasion que du sauter. Et il se desnouë de toutes parts, sinon en deuant, à cause de la roüelle, et de son adiutoire.

Pour la curation.^ le malade soit assis sur vn siégé prés de terre, et que ses pieds soient vn peu esleuez : puis vn homme fort, eslende de sa main, le dessus et le dessous, d’vne forte extension, et le rabilleur ^ réduise la jointure à sa disposition, selon le ivgement de la dislocation vniuerselle : et qu’il la bande.

De la rouelle ®. Qvand desnoüeure vient à la roüelle, il faut que le pied s’appuye planement en terre, et la roüelle soit réduite : puis il faut remplir la cauité du iarret de drapeaux, qui Fempeschent de se plier : qu’on mette la dessus des astelles, qui luy résistent du costé qu’elle enclinoit. Quand donc on la restraint, et elle est adhérente, qu’on ne double pas le genoüil ^ à la haste, ains de peu à peu, iusqu’à tant qu’il y sente allégement. Auicenne remonstre bien qu’on le double de peu à peu, car Lanfranc et lamier disent qu’il n’y a aucun moyen de faire tenir ferme la roüelle, apres sa réduction, que de doubler la iambe auec la cuisse : et partant soit tenuë liée durant vne heure.

Du pied et de ses doigts. Sur la dislocation du pied, il est à sçauoir,