Clamosus, qui fait crier

DOCT. I, GH. 1. — DE LA. GOL'TTÊ

qu’il appelloit efficientes : et en causes instrumentales, qui sont les largeurs des méats, par ou la matière passe facilement : et en causes patientes * qui sont les foiblesses des jointures, ou de nature, comme d’autant qu’on est de race de goutteux, ou par accident, comme de cheute et coup, et mauuais régime.

Le premier poinct est conçeu de paroles d’Hyppocrate, au sixiesme des Aphorismes : La femme n’est podagre, si les menstrues ne luy deffaillent, car alors beaucoup de matière est retenue, et elle peut faire podagre, comme dit le Commentaire. Voilà la cause materielle.

Le second est prins de cettuy-là ; Les Eunuques et les enfans ne sont podagres : d’autant qu’ils n’vsent de l’acte venerien, et ne dilatent les méats par où la matière passe facilement. Voilà la cause instrumentale.

Le tiers est conclu au susdit Commentaire quand il dit : qu’il faut nécessairement auoir les pieds, et les Jointures debiles, si quelqu’vn doit estre esprins de podagre ; comme le cerneau, si quelqu’vn doit estre epileptique.

Or selon Galen au liure du Miamir, au passage dessus allégué, quelquesfois l’humeur qui paruient est sanguin, mais le plus souuent phlegmatic, ou meslé de phlegmatic et de choleric, ou du sanguin auec ceuxcy. Peu souuent est faite du melancholic, comme dit Auicenne. (Car les ratteleux % et les melancholiques, peu souuent sont faits rheumatiques : et au contraire, comme Auicenne l’attribue à Hyppocrate) : et encor moins souuent, des humeurs corrompus : très rarement de tous, meslez suiuant leur proportion au corps, ainsi que dit Rhasis. Et le soudain changement de passion, monstre que ces matières sont accompagnées de ventosité : comme il estoit dit en certain Régime du Pape. Pour la pluspart, ces passions sont composées sans ladite proportion, mais peu souuent simples. Car l’humeur crû ne peut courir aux jointures, sans cholere : ainsi que Rhasis faisoit entendre au liure des Diuisions. Mais les curations des simples sont dites, comme celles! des apostemes, afin que par icelles l’on ait les composées.

Les sig?îes de la goutte criarde il n’est besoin d’escrire, car les malades la descriuent assez. Quant aux signes de la goutte chaude et froide, iaçoit qu’on les ait par les signes des apostemes chauds et froids, dits cy-dessus au traité des apostemes, neantmoins Galen au Miamir donne huict moyens de cognoistre leur matière : de la couleur, de l’attouchement, des choses appliquées, de la precedente maniéré de viure, de la complexion, âge, région et temps. Auicenne adjouste à ces moyens, la