Nam morbus est contagiosus, et infectiuus

DOCT. r, CH. II. — DE LADRERIE

doit iuger, le& doit souuent regarder, et en soy-mesme penser et remuer les signes, et voir lesquels sont vniuoques et lesquels equiuoques : et qu’il ne iuge par vn signe, ains par la concurrence de plusieurs, spécialement des vniuoques.

En premier lieu, inuoqiiant l’aide de Dieu, il les doit conforter, que cette passion est sauuement de l’ame et qu’ils ne doutent point de dire la vérité : car s’ils estoyent trouuez ladres, ce seroit le purgatoire de leur ame, et si le monde les a en hayne, non pas Dieu, ains a plus aimé Lazare lepreux \ que .les autres : et s’ils ne sont trouuez tels, ils demeureront en paix. En apres, qu’il les fasse jurer de dire vérité de ce qu’on les interrogera. Et lors premièrement il doit interroger de ce qui dispose à ladrerie, s’il en a quelque chose, comme s’il est de race de ladres, ou s’il a conuersé auec eux, et si les menstrués ou hæmorrhoides leur sont restreintes, et retenues : et s’ils ont vsé de régime melancholique, et quelles maladies ils ont accoustumé de souffrir. Puis s’enquiere auec ses cognoissans, et auec eux mesmes, de leur astuce et meurs, de leurs songes et désirs : et s’ils sentent cuiseur, ardeur et piqueures en la chair. Apres, il touche le pouls, puis le face phlebotomer, et considéré la substance et couleur du sang, s’il est noir et cendreux, qu’il le laue, et sçache quelle est la chair qui reste au collatoire : s’elle est graueleuse, granuleuse, et grumeleuse, car c’est vn très grand signe. Et s’il veut esprouuer en l’vne des escuelles si le sel s’y font tost, .et si le vinaigre et l’vrine y sont tost meslez, et si à mode de farine il descend en vn bassin plein d’eau, le peut faire pour solemnité. Cela fait, qu’il considéré son aspect, et luy die qu’il s’en aille, et qu’au matin il apporte son vrine.

Cependant le Médecin pense sur les choses qu’il a veués et verra. Le matin, il vienne à la presence du Médecin : et adonc premièrement voye l’vrine, et considéré si elle signifie aucune chose de disposition à ladrerie : si elle est blanche, subtile, cendreuse, car telles sont les vrines des ladres. Et apres considéré sa face, les sourcils, s’ils sont pelez, s’ils sont enflez et boutonnez : les yeux s’ils sont ronds, spécialement vers la partie domestique, si leur blanc est tenebreux. Du nez, s’il est tors, gros, vlceré en dedans. Des oreilles, s’ils s’arrondissent et accourcissent. De la voix, s’il parle enroué, et du nez. Des léures et langue, s’elles saignent et s’vlcerent, et s’il y. a des grains. Si l’haleine est difficile et puante, et si sa forme ou figure est estrange et horrible. Et qu’il considéré bien ces choses, car les signes du visage sont les plus certains.

Puis il le face despoüiller, et considéré en premier la couleur de tout le corps, s’elle est tenebreuse et morpheuse ; puis la substance de la

1. Il ne conste pas, que Lazare ait esté lepreux : mais c’est vn abus vulgaire de ceux qui disent Lazare, pour lépreux ou ladre. (J.) '

406 SIXIÈME TRAITÉ. — MALADIES SPÉCIALES

chair, si elle est dure et aspre, tubereuse, spécialement à l’endroit des iointures et des extremitez : et s’il est rogneux, prurigneux, serpigneux et vlcereux ; si sa peau se crespe, comme d’yne oye, si ses muscles sont consumez, s’il souffre endormissement és membres, a’27 serit bien quand on le pique au derrière du talon et de la iambe, et qu’on lui demande en quel lieu et de quoy on le pique. En apres qu’on luy jette de l’eau sur son corps, et voye s’il est onctueux, et si le sel adhéré, quand on le iettè sur luy.

lugements. — Puis le Médecin retourne à la considération de la face, et de son aspect, et le laisse. Et qu’il pense à tous les signes, et les conféré : et qu’il délibéré bien dès signes, et de leur accord.

Et s’il trouue, que auec la disposition à ladrerie, il ait quelques signes equiuoques diminuez, il le faut commander familièrement et secrettement, qu’il se tienne en bon régime, et ait le conseil des Médecins ; autrement il deuiendra ladre.

Mais s’il a plusieurs signes equiuoques et peu d’vniuoques, il est vulgairement appellé Cassot ou Capot ^ Et tels doiuent estre aigrement menacez, qu’ils tiennent bon régime, et ayent bon conseil des Médecins, et qu’ils demeurent en leurs bories ou métairies, et maisons, et que ne s’ingèrent fort auec le peuple, car ils entrent en ladrerie.

Et s’ils ont plusieurs signes equiuoques, et plusieurs vniuoques, auec bonnes paroles, et consolatoires, ils doiuent estre séquestrez du peuple, et conduits à la maladerie.

Mais, s’ils sont sains doiuent estre absous, et auec lettres des Médecins enuoyez aux Recteurs

Quant aux signes propres des humeurs, on les a par les signes des humeurs dits cy dessus au traité des apostemes : toutesfois les humeurs de la leonine, et elephantine sont pires que des autres.

Il est iugé de tous, que Ladrerie est vn tres-meschant mal, et qu’il est héréditaire, et contagieux, et est presque d’impossible arrachement, mesmement la confirmée. Car comment (dit Auicenne) sera curée la lepre, estant chancre vniuersel, veu que le chancre particulier ne peut guérir. Il peut bien estre preserué, et pallié : mais non pas guery. D’auantage, on iuge que entre les especes de ladrerie, la leonine, et l’elephantie (comme de tres-meschante matière) sont les pires ; les autres, comme de plus traitable, sont plus souëfues.

En la curation de ladrerie^ les Docteurs tendent communément à trois choses. La première est, à preseruer ceux qui sont disposez, auant qu’elle vienne. La seconde est, à curer ceux qui l’ont de fait et actuelle-