Folium lappae inversae », ou glouteron, dit Joubert
DO CT. I, CH. m. — DE MORPHÉE, D ARTRE, RONGATE. ETC. 421
Mais il faut estre aduerly, d'autant que l'argent vif nuist aux membres principaux, aux dents, et aux genciues. Auicenne commande, que les vnguents esquels il est mis, soient esloignez tant qu’on pourra des endroits de l’estomach, et des membres nobles. Et Henric dit, que les dents et les genciues soient lauées auec décoction de la mente sauuage ou cheualine, de l’aneth, et camomille. Aucuns font de mesme auec eau de morelle. .
Des poux, cyrons, et leurs semblables \
Qv’est-ce que poux^ il est à tous notoire. Ils sont fais de la matière des susdites infections, toutesfois moins mauuaise. Et pource en icelle ne se haste la putréfaction virulente, ny extrême, ains est conuenable comme est matière receuant vie de son créateur ainsi qu’adjouste Auicenne. Quant au moyen de leur génération, ie ne m’en soucie, d’autant qu’il appartient au Physicien : mais à leur génération aident les choses, desquelles la propriété est moiiuoir la matière à la peau : comme sont figues, la copulation charnelle, cessation de nettoyment, et lauement, et ne changer gueres d’habilleraens.
On a les signes de leur matière par la couleur, ainsi que met Gordon. Il est iugé par le mesme Gordon, que la multiplication de poux, si c’est de cause intrinsèque, tend à morphée, et à lepre, d’autant que si la nature de la peau estoit forte elle n’erreroit, ains assimileroit. Et l’erreur de la vertu assimilatiue, est cause de lepre, comme dit est.
En la curation d’iceux, il est besoin premièrement que le corps soit nettoyé auec saignée, et hiere picre, et autres qui vuident les humeurs pourris, et auec amandement de régime, et prise de médicament qui tuent les poux ; comme sont les ails cuits, et calament de montagne, ainsi que dit Auicenne, et auec des remedes locals.
De ceux-cy on fait estuues, et bains d’eau cuite auec alun, sel, blette, tannesie, cyprès, pin, calament, lupins, herbe aux poüilleux, et huiles et vnguents, auec huiles de saffran bastard, raifort, sumach, ozeille auec sa racine.
Et à ce est spécial l’vnguent qui s’ensuit, duquel si on engraisse vne ceinture de laine, et qu’on la porte sur la chair nue, il tue les poux, et empesche qu’il ne s’en engendre plus : PR. d’huile, trois onces : de la
