Cum rasorio
SIXIÈME TRAITÉ. — MALADIES SPÉCIALES
vn rasoir, et autres instruments, sans scier. Mais si elle n’est prés de la jointure, ains en est esloignée, que l’on retranche vn peu par dessus le corrompu, au lieu auquel on aura trouué, auec la tente introduite, fermeté et douleur, et l’os soit scié auec une scie mince.
La maniéré est telle : Que le membre soit enueloppéMe la part saine, et de la part corrompue, auec bandages, et soit tenu ferme par les seruiteurs, et soit séparée la chair qui est entre les deux bandages, auec vn rasoir, iusques à ce qu’on voye l’os totalement deliuré de la chair. Et puis soient garnies les leures de drapeau aün qu’elles ne soient offencées de la scie. Et lors soit scié l’os subtilement et parfaitement. Et le membre estant séparé, le sain soit cautérisé auec vn fer ardant «conuenable à cela : ou auec de l’huile boûillant, ainsi qu’il a esté dit. Soit bandé et pensé de la curation des autres vlceres. Et s’il y a flux de sang, soit restreint auec la poudre rouge et aulbin d’œuf, et autres moyens que nous auons dit.
Quelques-vns, comme Théodore, dictent medicamens qui endorment^ afin qu’on ne sente l’incision, comme est l’opion, suc de morelle, iusquiame, mandragore, lierre arborée, ciguë, laictuë : et abbreuuent de ces sucs vne esponge neufue, et la laissent se desseicher au Soleil. Et quand il en est besoin, ils mettent cette esponge dans l’eau chaude, et la baillent à flairer, tant que le sommeil en vienne au patient. Et luy êndormy, ils font l’operation.
Et en apres, auec vne autre esponge trempée en vinaigre, appliquée au nez, ils l’esueillent : ou bien ils mettent du jus de rhuë ou de fenoüil és narilles et oreilles, et ainsi l’esueillent, comme ils disent.
Les autres donnent à boire de Fopion, et font mal, principalement s’il est ieune, et s’en aduise : car i’ay ouy dire, que pour le grand combat de la vertu animale et naturelle, quelques-vns ont encouru manie, et conséquemment la mort.
Quant à moy, en telle mortification du membre (ayant couppé chemin au progrez de là corruption, auec scarifications et arsenic, et en mettant sur la partie saine defensifs de bol arménien et autres opportuns) i’enueloppe tout le membre mortifié, auec le sparadrap cy-dessous escrit en moult de maniéré, et le bande, et préparé à la maniéré, ainsi qu’il sera dit, des corps morts qu’on veut garder. Et ie le retiens de cette sorte, iusques à tant que la jointure soit fonduë et que le membre chée de SOy-mesme. Car il est plus honneste au Médecin, qu’il chée de soymesme, que si on le tranchoit. Car tousiours quand on le tranche, il en demeure quelque ranqueur ou regret, et pensement au malade qu’il luy pouuoit demeurer.
