Napus agrestis. Navet
3. Le vulgaire s’abuse en l’execution de celte ordonnance : car il ceint le malade d’escarlate, ou d’autre drap rouge, puis le couure : de sorte que le malade ne void pas le rouge. Or il faut que le lit principalement en soit entouré, et que le malade ne voye rien que rouge, pour faire mieux sortir la rougeole, qui est l’intention et fin de nostre ordonnance. Comme au contraire, on deffend le regard du rouge à ceux qui saignent desmesurément. De quoy la raison a esté dite. (J.) (V. note de la page 240.)
SmÈME TRAITÉ. — MALADIES SPÉCIALES
Le second est accoraply, quant aux yeux, auec vn collyre d’eau rose et de saffran : quant aux nariltes, auec du verjus, et de l’eau rose : quant au gosier, auec Diamoron : quant au poulmon, auec diatragacanth : quant aux boyaux, auec des trochiscs de spode, et semblables.
Le tiers est accomply, en rompant les pustules, en emportant auec des ciseaux vn peu de la peau afin que ne se referment.
Le quatriesme, qu’ils ne se grattent, et qu’on les sinapize ^ auec farine de lentilles, febues, lupins, ers, litharge, ceruse, et aloë.
Apres l’exiccation, qu’on leur applique onguent de litharge, ceruse, et cadmie, fait auec huile de lys, et graisse d’asne ou de geline. Et cettuy-cy de Rhasis : PR. du litharge nourry, racine de cannes, vieux os, farine de pois ciches, et de rys, graine de melon mondée, hen, coste, autant d’vn que d'autre. Tout soit meslé auec du muccilage de fenugrec, et de la semence de lin, dequoy on epithemera la face.
Des cicatrices des playes, il a esté dit cy-dessus an lieu des playes charnues.
De la couperose, et des pustules de la face
IL faut sçauoir que couperose est nommée d’Auicenne, Albedsanen, et est vne rougeur estrangere, semblable à la rougeur par laquelle commence la ladrerie. Le plus souuent elle appert au visage, et spécialement au nez, et aux pommeaux des joues. Elle est quelquesfois auec enflure de toute la face (et lors Guillaume de Salicet l’appelle Butizaga), • quelquefois sans enflure, autresfois auec des pustules, autresfois auec des croustes : et pour lors est du genre des Assafati.
Elle est engendrée de phlegme salé, et d’autres humeurs bruslez : et si parauanture leur fumée est mauuaise, et venimeuse, pource elle enfle et ulcéré les parties circonuoisines, comme dit Guillaume.
On a les signes de la matière dequoy elles sont faites, par la couleur et forme, et par la virulence qu’elle iette : et par les choses naturelles, non naturelles, contre nature, comme dessus a esté dit.
On iuge que c’est vn mal contagieux, et le premier signe à ladrerie. Outre ce, il est iugé par Rhasis, qu’elle multiplie en hyuer, et au froid : et la cause est, comme dit Auicenne, parce que le froid resserre fort la vapeur. On iuge aussi, qu’elle est difficile à arracher, pour la promptitude qu’a la face à receuoir matière, à cause de sa rarité et foiblesse,
