DOCT. II, CH. II. — COUPEROSE ET PUSTULES DE LA FACE
comme a esté dit cy-dessus és vlceres, et mesmes celle qui est vieille, on ne la peut arracher.
En la cure y a deux régimes : l’vniuersel, et le particulier ou local.
h'vniuersel^ de la diette, et euacuation, est fait suiuant la diuersité de la matière, et en diuertissant ‘ la matière auec frictions et ventouses, auec cantharides, ruptoires au derrière des espaules et du col, et sous le menton : El la saignée des veines du front et du nez, l’application des sang-suës audit lieu, sont recommandées. Et la purgation auec electiiaires de suc de roses, a prerogatiue en cecy, et la diette subtile et mince ; sur tout en vin, qu’il se abstienne au moins du fort et pur. Qu’il se garde de toute espicerie, et des choses piquantes, comme ails, oignons, poivre, moustarde, rhuë, et odeur do sureau : se garde aussi de toute chose salée, frite, et rostie, bruslée, melancholiqiie et vaporeuse : Item du coit, et de tout froid ou chaud excessifs. Tienne le ventre lasche, dorme la teste esleuée, et pour faire bref, qu’on luy ordonne le régime des autres infections, des pustules cholériques et bruslées et du commencement de ladrerie, comme dit Auicenne.
Le régime particulier est, pour les recentes, que le lieu soit refroidy, et desseiché auec les repércussifs : pour les vieilles, que l’on corrige la cacochymie, auec des résolutifs. Au premier sert l’eau alumineuse, qui est faite de verjus, suc de pourpier, et de plantin, auec aulbins d’œufs et alun, distillez à mode d’eau rose. On y trempe des linges, qu’on applique et soient souuent renouuelles. Pour la vieille, qu’on fasse vne estuue auec camomille, melilot, roses, violettes, et fleurs de nénuphar : et apres legere abstersion, soit oingt auec onguent blanc et citrin, auquel on ait Incorporé vn peu d’argent vif, soulphre et alun, auec huile de tartre.
A cela mesme Guillaume fait cecy : PR. du suc aigre de citron, trois onces : ceruse, tant qu'il en faudra pour espaissir ledit suc : argent vif esteint auec saline, demy once : soient incorporez et réduits en onguent.
Théodore fait cet autre : PR. borax, deux drachmes .* farine de pois ciches, et de febues, de chacun vne dimchme et demie : camphre, vne drachme, qu’on en fasse des trochiscs, auec du miel et jus d’oignon. Quand il en sera besoin, soient destrempez, et qu’on en applique.
A mesme intention vaut le laict virginal, l’ean rose sophrense, l’huile de tartre et de froment, et plusieurs autres remedes dits cy-dessus és dartres, et de l’embellissement. Et si ne s’en va par ceux-cy, le lieu soit vescié par l’application des cantharides meslées auec du suif. Puis auec des feuilles de bettes, le lieu soit purifié : et enfin auec les susdites choses soit desseiché et consolidé.
