I. De V ongle
PARCE qu’il a esté dit de plusieurs maladies de la conjonctiue, comme de l’ophthalmie, des playes, et du tarfe, cy-dessus au traité des apostemes, et de quelques autres maladies des paupières, il ne sera dit icyque de l’ongle, et du sebel, qui sont des plus proches passions de la conjoinctiue.
L’ongle, suiuant l’intention d’Auicenne, est certaine excroissance panniculeuse, procédant du lachryrnal sur la conjonctiue, iusques à la cornée et la prunelle. Le plus souuent naist du lachryrnal interne, du costé du nez, quelquefois de l’externe®, autrefois (mais c’est rarement)
I. De mora et verruca palpebfarum. — Ming. : nommée des Grecs uî.aôaptûai;, et des Latins, Morum.
2. De unguia. — En latin, se dit encore wns-Mts, en grec n-tEÇ'jyiov.
3. « Oritur a lachrymali domestico a parte nasi : aliquando a syluestri. »
DOCT. l\, CH. II. — DE L’ONGLE
d’en bas eu d’en haut. Suiuant cela, il y en a quatre especes, ainsi que met Acanamosale de Baldac. Alcoatin n’en met que deux : sçanoir est la charnue et la nerueuse. Albucasis, auec la nerueuse (qui est semblable au siphac en minceté) nombre la graisseuse, qui est proprement du genre des taches. Elle est blanche, semblable à vn humeur blanc, ou à neige, comme sera dit cy-dessous : en laquelle le crochet n’a pas prise, ains se coupe quand on tasche de la sousleuer. Et pour ce, disoit Auicenne, que les ongles estoient de diuerses couleurs : les vnes de couleur orangée, les antres de rouge, les autres brunes, tirant à blancheur. Outre ce, il disoit que les vnes sont nouuelles et legeres, qui facilement sont desnuées et se sousleuent de quelque suspension que ce soit : les autres sont vieilles et dures, mal-aisées à séparer.
La came des ongles, selon Bien-venu, sont humeurs phlegmatics, gros et visqueux, engendrez de mauuais régime.
Leurs signes sont assez euidents, par ce qu’a esté dit. Mais la différence est, selon lesus, entre le pannicule ou taye, et la conjonctiue, que la taye peut estre suspendue auec vn crochet, mais la conjonctiue ne se séparé point, et le crochet ne s’y enfonce pas. Item, entre la chair du lachrymal et l’ongle, y a différence : car l’ongle retire à blancheur, et la chair à rougeur, comme dit aussi lesus.
Il est ainsi iugé par ledit lesus : que si en sousleuant l’ongle, on ne le fait accortement, il y a danger de rompre la membrane, surtout la cornée : et en tranchant, il y a danger de tant diminüer la chair du lachrymal, qu’il en sorte tousiours des larmes, et que la veine soit OLiuerte, dont soit fait vn flux difficile comme dit Acanamosale. Doncques il faut (selon le conseil de lesus) qu’on l’enleue sagement, tant qu’on la pourra sainement enleuer, et le résidu soit consumé par médicaments, de peu à peu ; car si elle ne s’enleue toute auec vn ou autre remede, elle reuiendra.
Secondement, comme dit lesus, en la curation des ongles, sont requis deux régimes, l’vniuersel et le particulier. L’vniuersel de la diette et purgation, soit fait comme a esté dit és apostemes froids, et sera dit en la cataracte. Le régime particulier est accomply aux recentes ou nouuelles et legeres, en les remollissant, resoluant, et abstergeant. Soit donc faite mollification auec vne vapeur, ou vn bain d’eau chaude, comme dit Auicenne : et abstersion auec le collyre esprouué, qui est fait comme s’ensuit : PR. arain bruslé, calcade % et fiel de bouc, autant d'vn que cC autre : soyent meslez, et en soit fait collyre. Et si on y adjoustoit vn peu de miel, il en seroit meilleur.
