C’est le colcotar ou le vitriol calciné. (Ming
SIXIÈME TRAITÉ. — MALADIES SPÉCIALES
A mesme intention, lesus met le sief rusteim, vtile à l’ongle, sebel, et rongne, aux vestiges, larmes, et obscurité, duquel la forme est telle : -PR. de la pierre sanguine lauée, arain bruslé, cadmie d’argent, sel indien, haurac, verd de gris, poivre long, de chacun quatre drachmes: poivre blanc et noir, pierre ponce, de chacun huict drachmes : aidés sucotrin, spicnard, giroffles, de chacun quatre drachmes et demie ; gingembre, myrobalans belleric, de chacun deux drachmes. Le nombre des simples médicaments est de quinze. Soient pilez, criblez, et moulus : et en soit fait collyre auec du vin et eau de fenoüil.
A cela mesme loüe Alcoatin le collyre verd, dit en la rongne, et le collyre de vitriol, dit és poils adioustez.
Aux dures et vieilles, suiuant Auicenne, la meilleure cure est, la dénudation ou l’esleuation, ou séparation : et spécialement quand elle est aisée à desnuder, et esleuer. Gar celle qui est autre, conduit à dommage, comme il dit. La maniéré est en deux sortes, et en trois, qui veut nombrer entre les ongles, la tache graisseuse, comme a fait Albucasis.
La première sorte est, auec le fer. C’est suiuant lesus, que la paupière ouuerte, non renuerséè, l’ongle soit suspendue par le milieu auec vn crochet et estenduë en haut. Et s’il est besoin d’y adiouster vn second, et troisiesme crochet, soit fait. Elle estant suspendue, qu’on luy mette au dessous vne lancette ^ ou vne plume deliée et plane, qui est plus asseurée ; et s’il est necessaire, qu’on face en l’ongle vn trou à costé par lequel la plume entrera, et que d’icelle on l’escorche et séparé legerement et ingénieusement. Puis soit retranché auec des ciseaux, se gardant de la membrane (et spécialement de la cornée, comme dit est) et de la chair du lachrymal. Apres on distillera dans l’œil, du sel, et du cumin moüillé^, afin qu’il ne s’incarne. Et sur l’œil soit mis du blanc d’œuf, auec vn peu d’huile, à ce que l’œil ne s’aposteme. Le patient soit sollicité à mouuoir l’œil afin qu’il ne s’agliitine. Et ainsi durant trois iours soit pensé deux fois, ou plus. En apres on traitera ce qui y est demeuré, auec les collyres susdits et les médicaments esclaircissans, qui seront dits aux taches.
La seconde sorte est auec vn poil de queue de cheual, ou auec vn filet de soye, et c’est ensuiuant Albucasis et Auicenne, qui mettent aussi la susdite sorte ; laquelle sorte auec le poil, Halyabbas, Alcoatin et Brun reçoiuent. Elle se fait ainsi : La paupière ouuerte, et l’ongle sousleuée d’vn crochet gueres plié, ou d’vii fil passé au milieu auec vne aiguille, et lié, soit mis (non par le mesme trou, ains par vn autre, quelque peu sous le poinct du fil lié, entre l’ongle et la membrane, car autrement l’ongle échapperoit du lien) soit mis dis-je, le poil, ou filet de soye, auec
