DOCT. II, CH. II. — DES TACHES DE LA CORNÉE

trois drachmes -.perles non percées., tuthie, et corail, de chacun deux drachmes et demie : verd de gris, vne drachme : mousse, demy drachme : musc, deux grains. La somme, des medicamens est de dix. Soient pilez, et qu’il en vse.

A mesme intention s’accordent Rhasis et Auicenne, et Azaram, en la confection de massacumie : et Lanfranc la reçoit precieuse sur toules les autres. Sa forme est telle selon Heben Mesue : PR. de la massacumie ‘ (c’est du verre mal cuit, selon Dyn, au lieu duquel on prend la racleure verte des vaisseaux d’outre mer), fente de laizard, pierre ponce, baurac, succre fin, de chacun esgales parties. Soient pilez tres-subtilement, et mis en vne liure d’eau cuite aiiec du fenouil, chelidoine, flambe bastarde, de chacun vne once. Cuisez-les tant qu’ils reuiennent cà trois onces. Soient pilez ensemble, et en les pilant soient desseichez, qu’on en fasse alcofol, et qu’il en vse.

Et si en la tache y auoit enflure, et quelque matière enclose, lors à icelle conuiennent les medicamens qui resoluent les boutons, et la sanie derrière la cornée (desquels cy-dessus a esté dit), et les medicamens qui sont pour les cataractes. Et en ce, a prerogatiue le baume, et si auec lui on met de la poudre d’or limé, on fait le conseil d’Alcoatin en son Antidotaire. Et la fiente des arondelles confite en miel, est certain en cecy, comme dit Azaram : et lesus l’accorde aussi.

Or si la tache est graisseuse, et comme neige ^ il profite de la ratisser auec vn rasoir, vne fois après l’autre, ainsi qu’enseigne Albucasis au chapitre des ongles : et c’est, que ayant ouuert la paupière, tu prennes vn spatume subtil, et que tu rases d’iceluy l’ongle, ou celte tache, subtilement : puis appliques-y des collyres detersifs, et sédatifs dessusdits. Et reïtere l’operation là dessus tant de fois, que tout en soit osté, sinon que la douleur ou l’aposteme en l’œil, te soient contraires ; car il les faut premièrement guérir, et puis retourne à l’operation iusques à la guérison.

Mais en cas que lesdites choses ne profitent, les Maistres conseillent rembellissement et teinture ; à quoy lesus recommande le laict d’asuesse, et ce alcofol : PR. des galles, acacie, de chacun vne partie : calcanth, demy partie, soit fait alcofol.

1. Les autres rinterprètent vernis, duquel on vernit les pots. Et pour ce, on prend bien a propos en son lieu, la ratissure des .vaisseaux d’outre mer, ou des nostres qui soient fort vieux. Quelques vns veulent, que ce soit vne matière de laquelle on fait le verre : et qu’on l’appelle vulgairement masse cuite pour massacumie, comme dit l’autheur des Pandectes. A mon aduis, c’est ce que Hierosme Cardan appelle marcia coda, en son liure septiesme des Subtilitez, où il met la façon de contrefaire l’esmeraude. (J.)

2. « Adyposa et viualis », ms. 6966. — « Adiposa et venalis », 1559, pour : adiposa et niualis; nivalis, de neige.

NiCAISE. — Guy de ChauUac. 31

SIXIÈME TRAITÉ. — MALADIES SPÉCIALES

A cela mesme ; PR. fleunî de grenades, calcades, acacie, gomme arabique, de chacun vne drachme : galles, deux drachmes : antimoine, trois drachmes. Soient pilez et en soit fait collyre auec jus de fleurs de pauot.

IL III . Des cataractes, et de la goutte seraine \

Cataracte, est certaine tache panniculeuse dans l’œil deuant la prunelle ^ qui empesche la veuë, d’vne humidité estrangere descendante en l’œil par succession de temps, congelée de la froideur de l’œil. La dite humidité, parce que aucunefois elle descend des humeurs de l’œil mesme (principalement de l’albugineux, comme il est signifié au quatriesme des Maladies et Symptômes), est ditte estre faite de cause priuée. Et quand elle vient de l’estomach, et du cerneau, en forme de fumée ou de vapeur, et puis dans l’œil se conuertit en eau, elle est ditte, au quatriesme des Maux internes, estre faite de cause communiquée.

Sçauoir-mon si cette humidité s’assemble entre la cornée et l’vuée (comme le prouue lesus), ou entre l’albugineux et le crystalin (comme signifie Galen au dixiesme de Wsage), il ne me chaut d’en déterminer à présent.

Mais il faut bien entendre, que la cataracte selon ses trois temps, a trois noms. Quant à son commencement, on l’appelle imagination ou fantasie : car elle fait paroistre en l’air choses diuerses, qui ne sont pas. Quant à son milieu, elle est ditte suffusion, et eau descendante, et aucunement goutte : car on void dans la prunelle comme vne nuée d’eau. Quant à la fin, on l’appelle cataracte, parce qu’elle empesche la veüe, comme la cataracte du moulin, et comme la cataracte du Ciel empesche le Soleil.

La cataracte (selon Galen au lieu que dessus, comme dit aussi Auicenne) est diuersifiée quelquefois en quantité, autresfois en substance, et autresfois en qualité.

En quantité, de ce qu’elle est quelquefois si grande, qu’elle occupe toute la prunelle, et empesche toute la veuë. Quelquefois elle n’en occupe qu’vne partie : et lors on void choses de diuerses formes, en lune, en fenestres, longuettes et semblables

En substance, elle prend diuersité, parce que aucunes fois elle est mince, et mobile : et adonc on void les choses ombragées, tout ainsi que

I. «Les Grecs l’appellent xi-iz6yy<ii<;', les Latins, suffusio-, vulgairement,

cataracte. (Ming.)