DOCT. II, CH. II. — DES TACHES DE LA CORNÉE
beaucoup. Et les vues sont minces, qui n’outrepassent la superficie de la cornée : les autres sont grosses, qui passent la première ou seconde escorce. Il y en a de planes, et d’autres aucunement esleuées, et boutonnées, comme s’il y auoit en elles quelque matière endurcie, et entrelacée.
Leurs causes primitiues sont, comme aposteme, playe, coup, froid, et chaleur excessiue. Les antecedentes sont, humeurs gros descendons en l’œil. La cause conjointe est la matière inuisquée au lieu et endurcie, ou la cicatrice qui est demeurée au lieu apres la consolidation de l’vlcere. Dequoy il appert, qu’il y a deux especes de ces taches, l’vne a magniere de piece et de toille, l’autre cicatrisale.
Les signes des taches sont euidens par la presence de chacune : car les taches sont dehors, à la différence des cataractes, et de la sanie, et de la blancheur du crystallin, qui sont derrière la cornée. Elles sont blanches, sans enfonceure, à la différence des vlceres qui sont blancs, auec enfonceure : car (comme dessus a esté dit des vlceres des yeux) les vlcères de la cornée sont' blancs, et ceux de la conjonctiue rouges. Elles sont aussi sans notable esleuation, à la différence des bothores blancs, qui sont esleuez, et notablement pustulez. Signe que la matière descend du cerueau, est l’apparition de quelques veines qui descendent par la conjonctiue à la tache. Signe que ce soit cicatrice, ôn l’a de sa forme longuette, et par l’vlcere, et autres choses qui ont précédé.
On iuge que les taches cicatrizales (comme il a esté dit és vlceres) ne peuuent estre effacées, et que plus fort est, tant plus on les ronge, tant plus elles s’augmentent par apres. Outre ce, les taches vieilles, et en grandes personnes (ainsi que met Alcoatin) et qui ont corrompu la substance de la cornée, ne guérissent pas. Car c’est vn membre spermatique, et estant corrompu, il n’est point rengendré similairement, ains autrement par substance estrangere, comme aussi a esté dit. Mais ils peuuent bien estre embellis et teints, comme il sera dit.
En la cure ÂQÿ, taches il y a deux régimes : sçauoir est, l’vniuersel et le particulier. L’vniuersel de la diette, et purgation, sera fait ainsi qu’il a esté dit aux apostemes froids, et qu’il sera dit incontinent aux cataractes. Nonobstant que lesus dit, que la purgation n’est point nécessaire aux taches, sinon que l’œil s’eschauffast, ce qu’aduient aisément aux taches veineuses, desquelles la matière descend du cerueau.
Le régime particulier, en celle qui est recente et menue, est accomply en la leschant et nettoyant auec la langue, comme font les femmes ou selon Auicenne et Alcoatin, que l’œil soit suffumigué d’eau chaude, et qu’on vse de bain, et l’œil soit collyrizé de l’eau de pauot rouge,
I. « Lambendo et abstergendo cum lingua, vt faciunt mulieres. »
SIXIÈME TRAITÉ. — MALADIES SPÉCIALES
et de la petite centaurée, mcslez auec du miel. Et le jus de la langue passerine ‘ (que Dioscoride nomme Polygone, et le peuple Arondelière) fait merueilles en ce cas, ainsi que tesmoigne Gordon. La poudre nahatine, laquelle Bien-venu fait de succre candy, ou cassonnade, est en ceey precieuse, car elle remollit et nettoye sans douleur : et pource est appelée esclaircissante. Et quand on y mesle la fumée de bois d’aloés, elle est fort confortatiue. Et si on y adiouste de la pierre ponce, sarcocolle et fiente de souris (comme fait Rhasis), elle est plus abstersiue. Et lesus y met escailles des oeufs préparées comme il faut.
Et la Rose anglicane ordonne cecy : PR. de la ceruse lauée, deux parties : fleur d'arain, vne partie : soient pilez en toute extrémité et soient mis dans vn vaisseau de cuiure net, auec du vin blanc, jus de rhuë, et de chelidoine. Qu’on les laisse là vn iour et vne nuict, puis soient coulez en les distillant par vn drap, et il en sera fait de l’eau qui soit mise aux yeux.
Et la tuthie alexandrine, auec du camphre, et vn peu de gingembre, et du poivre mis en poudre, et meslez, est louée d’Acanamose.
Quant à la tache grosse, et vieille, si elle est veineuse, on conseille que ayant fait premièrement les choses vniuerselles, on ramasse ces veines, et qu’elles soient coupées sur la conionctiue : et qu"on fasse les autres choses dites pour esleuer l’ongle. Les autres grosses, esquelles il n’y a point de veines, ont besoin de plus forts medicamens, Parquoy il faut que au préalable soient remollies auec vne euaporation de la décoction de paille d’orge, violettes, camomille, melilot, maulues, et fenugrec. Et que l’œil soit fomenté de la mesme décoction, puis 'soit nettoyé de cette poudre : PR. o^ de seiche, vne drachme : gingembre blanc, demy drachme : poivre, vn scrupul. Qu’on en fasse poudre bien subtile, et qu’on en mette vn peu sur la tache, auec vne esprouuette large ^ : et l’œil estant fermé, soit vn peu frotté par dessus la paupière, de la poulpe du doigt : et tous les medicamens . qui arrachent l’ongle, le sebel, et la rongne, conuiennent aux taches.
Pource disoit lesus, que ton intention soit, quand tu voudras arracher la blancheur, et le boulon, d’vser apres l’issuë du bain, de collyre verd, dit en la rongne, et puis de l’vne des confections musquées. La forme de la moindre est telle : PR. fiente de laizard, trois drachmes : nitre, cinq drachmes : escume helgagner % escaille d'œuf d'austruche, de chacun
1. Ea nos boutiques, la langue passérine, et la langue d’oiseau, est la silique du fresne, arbre. Et le polygone est dit vulgairement centinode et corrigiole, en François renoüée. Quant à Tarondeliere, c’est aux boutiques, l’Asclepias de Dioscoride, et non pas le Chelidonium. Dequoy voyez Rambert Dodonnée. (J.)
