Supernutritis

DOCT. Il, CH. II. — DES MALADIES DES OREILLES

les vnes sont primitiues, comme cheute, coup, et mauuais régime : les autres antecedentes, comme mauuais humeur vaporeux : et les conjointes sont, les choses qui s’assemblent aux oreilles. Et quand tels maux sont de la nature de la partie, sont dits propres et priuez : mais quand ils viennent d’ailleurs, comme de l’estomach, ou de la teste, sont compassionnelles et communiquez, et tels ont leur faire, et estre fait ’, ainsi qu’on disoit des yeux.

Les signes des passions des oreilles, de celles qui sont és concauitez que nous voyons, n’ont besoin de cognoissance par la raison, au quatriesme des Internes ; mais celles qui n’apparoissent, on les comprend du mal ouyr. Car ceux qui n’oyent les voix basses, et à peine les hautes, ils sont quelque peu sourds, ou ils deuiennent sourds petit à petit, comme dit Galen au troisiesme du Miamir. Et ceux qui entendent des sons phantastiques, comme de la pluye, son de trompette, ou sifflement, ils endurent tintement, et ouye de chose estrangere, ou permutation d’ouye, comme disent Galen et Auicenne.

La cause qui le fait, est signifiée de ses symptômes. Gomme si c’est d’aposteme, il est auec fîéure et douleur, tension et pesanteurs, pulsations, et autres accideiis dits cy-dessus és apostemes des oreilles. Si la matière est froide, on y sent pesanteur auecque froid : et si elle est chaude, ardeur et ponction, et flux de sang a précédé, ou fiéure cholérique, de laquelle la matière est montée aux oreilles, ainsi qu’il est dit au quatriesme des Aphorismes. Si c’est de ventosité, elle est auec son et tintement. Si d’vlcere, il y a demangement douloureux. Si c’est d’vne verrue ou de quelque chose qui soit entrée dans l’oreille, on le sçait du patient, et en y regardant au Soleil, tirant l’oreille, et la dilatant auec le spéculum^ ou autre instrument. Si c’est vn ver ou vne autre besle, on sent son mouuement dedans l’oreille.

Le lieu est signifié, de ce que, suiuant Galen au quatriesme des Internes., si la seule faculté auditoire souffre, nous estimons que le propre nerf est offencé : mais si les autres parties du visage ont aussi mal, le cerueau souffre auec le nerf. Et à cecy aide, que le passage du trou est sain, et qu’il n’y a pas long temps. Auicenne y adiouste, allégement apres les bonnes digestions et euacuations, comme estait dit des yeux.

Il est iugé par Auicenne, que la surdité naturelle, de quelque cause que ce soit, sauf de l’oppilation superficielle externe, et celle qui est accidentale, longue de deux ans, et qui est de cicatrice, ou d’aposteme endurcy, ne guérit point. On iuge aussi, que la surdité accidentale, non ancienne, qui quelquefois est remise et a allégement, peut estre guerie.

1 . « Sunt compassionales et coramunicatae ; et taies suum habent fleri, et factum esse... », lbo9. — Canappe : et telles ont leurs choses faisantes et leur estre fait.