DOCT. II, CH. VII. — DE LA ROMPURE DIDYMALE

spécialement au didyme et à l’oschée, ou bourse des testicules. Le plus souuent y descend l’intestin borgne, parce qu’il est libre, et non lié, comme dit Auicenne. De laquelle rompure sont trois especes, ainsi que Galen mesme tesmoigne au liure des Tumeurs contre nature, l’vne épiploale (c’est à dire, zirbale), l’autre intestinale, et l’autre composée de ces deux. Chacune d’icelles quelquesfois est petite, qui ne passe pas l’ayne, et telle est vulgairement nommée relaxation : quelquefois est grande, qui descend iusques à la bourse des testicules, et telle est nommée d’Halyabbas greueure ou rompure S au neutiesme sermon de la première partie.

Les causes immédiates des rompures, sont, fente ou creuasse, et dilatation, comme dit Auicenne, laquelle adulent le plus souuent, ainsi que Galen tesmoigne au second des Maladies. La fente se fait proprement de cheute et coup, ou de mouuement, et effort laborieux, ou de fort crier, ou du coït desordonné. La dilatation est faite à cause de l’humidité qui remollit, et fait glisser, comme dit Halyabbas : ou pour leur foiblesse, comme dit Auicenne. Et telles choses peuuent estre esmeuës au corps, des causes primitiues jà dites (ainsi que veut Albucasis), aidant à cela, repletion, et l’vsage des viandes grossières, humides et venteuses, comme dit Théodore.

Le signe commun des rompures, selon Auicenne est addition sensible, et apparente de la chose qui descend, ou descente de quelque chose au . didyme, spécialement par le mouuement, ou par rétention d’haleine, et par la toux : et qu’elle s’en retourne quand on se couche à l’enuers, ou qu’on presse le lieu auec les doigts, comme dit Rhasis. Le propre signe de celle qui est de l’eslargissement du conduit, est qu’elle appert de peu à peu en l’ayne, puis tombe dans la bourse sans laborieux mouuement. Le signe que c’est par fente ou creuasse est, qu’elle vient soudain, et auec douleur : et bien souuent descend par autre lieu que par le didyme, parmy la chair du mirac, ou à la bourse des testicules, ou à la cuisse, et prés de la vulue et parties supérieures du ventre, ainsi qu’il a esté dit du nombril en la rompure ventrale.

Signe que c’est le boyau qui descend, est sa prompte réduction et auec quelque gargoüillement.

Signe que c’est la coëffe, parce qu’elle ne se réduit ainsi legerement, ny auec quelque gargoüillement.

On iuge que, qui a rompure, ne vit pas sans danger : car s’il aduenoit que les boyaux cheussent dans la bourse auec fiente endurcie, iamais ils n’en retourneroient : et ainsi le patient mourroit, comme i’ay veu, et