DOCT. II, CH. VIL — DE LA. ROMPÜRE DIDYMALE

De ces moyens, il me semble, que les quatre premiers sont complets et sans fallace : les autres ne sont pas auec fiance de seureté. Ce que nous prouuons ainsi : car ces moyens sont parfaits, et sans fallace, esquels la maladie ne peut reuenir, au quatorziesme de la Thérapeutique, comme il a esté cy-dessus allégué au chapitre proëmial. Or par les quatre premiers moyens le mal ne peut aucunement retourner : et par les deux autres peut retourner. Car par les premiers moyens tout le passage est destruit, et en son lieu se fait vn entre-deux d’autre genre, auquel il n’y a point de trou, comme il appert de l’euidence du fait par l’operation : ès autres deux, reste le passage auec les trous, combien qu’il soit retressi : mais non pas qu’il ne se puisse dilater, veu qu’il est plus charnu qu’ossu. S’ensuit donc la conclusion, que les quatre premiers moyens sont parfaits, les deux autres imparfaits.

le croy bien toutesfois qu’ils vaudroient en la petite rompure, et paraduenture en la grande pour vn temps, mais non pas tousiours. Comro» aussi vaudrait la cauterization du didyme, auec les cautères punctuels triples, ainsi qu’Albucasis enseigne : parce que apres l’escharre, il y demeure vne tant grosse et dure cicatrice, qu’elle est en lieu d’vn escusson restraignant.

Et telle fut l’intention de Théodore et de tous les anciens, que l’operation ne vaut rien, si ne paruient iusques aux os du penil, tellement que tout le passage soit aneanty. Et s’ils opèrent fallacieusement afin de sauner le testicule, ils n’ont point d’excuse. Car i’ay veu plusieurs engendrer auec vn testicule : et outre ce, de deux maux, il faut choisir le moindre. Et ie croy bien que quelque vertu sustantatiue ou nutritiue demeure au testicule, à tout le moins spirituelle et influxiue ou par influance, suiuant la tradition des parties voisines : comme il est dit au cinquiesme de la Thérapeutique, des choses qu’on aualle : Et il demeure le plus souuent auec quelque dessication, ainsi que monstre l’experience.

Or de ces quatre moyens là, ie croy que les susdits maistres ont estimé le plus asseuré, celuy du cautere actuel. Celuy du rasoir, ils ne le font que en la grande rompure. C’est pourquoy Auicenne n’en a pas fait mention, ains (qui plus est) il dit, que le fer n’en soit aucunement approché. Mais parce que le feu est terrible, et plusieurs s’affoiblissent durant l’operation de la peur qu’ils ont du feu, i’ay choisi pour moy celuy du cautere potentiel : auquel il faut sur tout aduiser, que l’on soit maistre du corrosif. Car il vaut mieux multiplier les fois, que la quantité. Et l’arsenic en cela est le principal, car son operation (comme il a esté dit des escroüelles) est forte et puissante : et si on l’applique indoctement, il esmeut la fievre et mauuais accidents : d’autant que en petite quantité il fait grande operation, mesmement auprès des membres principaux. A raison dequoy il faut que soit bien deffendu auec du xinaigre, et de la morelle et autres

NiCAISE. — Gay de Ctianliac. 34

SIXIÈME TRAITÉ. — MALADIES SPÉCIALES

choses refroidissantes ; et auec bon régime, comme s’ils aiioient fievre. Son operation dure trois iours, et pource il suffit qu’on le remue de trois en trois iours. Et si on le corrigeoit, auec de l’opion, ou auec jus de morelle ou des choux, comme nous dirons, il seroit plus seur.

Le moyen d’operer mieux auec l’arsenic, est tel. Supposée la bonne diette et la purgation, le patient soit reniiersé, le boyau remis, et toute celle partie de l’ayne rasée. Puis le testicule estant amené le plus haut qu’on pourra sur l’os du penil, qu’on marque son entour auec de l’encre, ou du charbon, et ayant remis le testicule dans sa bourse, qu’on mette du ruptoire (fait de la chaux viue, et du sauon mol, auec vn peu de saliue) à la grosseur d’vrie petite chastaigne, sur le lieu marqué, au milieu de l’os du penil, à vn doigt prés de la verge, et entoure-le d’vn cercle de toile cirée \ ou de quelque chose gluante froide, tellement qu’il ne passe outre la marque. Soit bandé, et aflfermy auec vne bonne bande, enueloppant les hanches et le dos, à mode de brayer afin qu’il ne bouge du lieu où on l’a mis. Il l’y faut laisser durant vn iour naturel. Lendemain on déféra le bandage, et osté le caustique, on y trouuera l’escarre noire. Lors soit coupée par le milieu de trauers, à la grandeur d’vn grain d’orge ou de seigle, et qu’on y fasse une cauerne ou fosse, dans laquelle on mette la quantité d’vn demy grain de froment, de l’arsenic en poudre reprimé auec des sucs, ou de l’opion, autant qu’il y aura d’arsenic : et ce à par soy ou enueloppé auec vn peu de cotton mouillé auec de la saliue. Puis soit couuert auec du cotton ou charpie : et en apres, soit oingt tout à l’entour auec du populeon. Qu’on mette par dessus tout, des drapeaux trempez et exprimez dans eau et vinaigre, ou en aulbin d’œuf. Et soit lié auec vne bande en forme d’escusson, cousue au brayer simple de deux toilles ; et puis affermie derrière audit brayer. Qu’il couche sur le dos, en vn lict de matelas.

Et iaçoit qu’on puisse chaque iour renouueler les drapeaux, et tousiours esprouuer si le boyau est réduit, toutefois le corrosif ne soit pas osté de deux ou trois iours, iusques à ce que la douleur soit appaisée. Adonc le corrosif soit enleué, augmentant derechef la fosse, plus en deschirant qu’en coupant, à cause du sang, et qu’on y mette de la poudre comme auparauant ; qu’on oste de l’escharre tout à l’entour le plus qu’on pourra, afin qu’on voye librement, et qu’on opéré au profond. Et qu’on fasse ainsi continuellement, iusques à tant que toute la chair du mirac soit corrompue iusques au didyme. Ce qu’on cognoist par l’enfleure de la bourse des testicules, et par la douleur des parties postérieures : et qu’en la fente on verra vne substance blanche. Par ce moyen le didyme sera