Ad medum bracalis »; braca, braie

DOGT. n, CH. vn. — DE L4 ROMPURE DIDYMALE o31

tellement estraissi, que le doigt ne pourra entrer par la bourse au didyme, comme il souloit S ne deslors y peuuent descendre les boyaux, s’ils vouloient choir. Cela est fait communément en deux sepmaines.

Puis (s’il vous plaist) l’on procure la cheute de l’escharre, et de la chair, auec oing de porc, ou beurre, ou quelque chose grasse durant vue sepmaine. Et quand l’escharre sera tombée, l’on verra le didyme blanc, en façon de canal. Lors ayant fait la preuue des boyaux, et les circonférences de la chair estans garnies, afin que elles ne soient touchées du corrosif, qu’on mette de la poudre d’arsenic (plus reprimé, et en moindre quantité) sur le didyme, auec du cotton, en vsant de plus forts delfensifs, et mitigatifs : comme est l’huile de pauot, d’hyosciame, et de mandragore : parce que le didyme est plus sensible que la chair, et a besoin de plus grand mitigation : et aussi de plus accorte operation, à cause des veines et des nerfs qui y sont. Le didyme ainsi accommodé, soit laissé iusques au second appareil. Alors on le fendra de long, et on mettra dans la fosse de la poudre auec du cotton, et cela soit tant continué, que tout le didyme, ou sa plus grand part, soit corrompue, ce qu’aduiendra communément en deux semaines. Et on le cognoistra, de ce que les testicules seront plus enflez, et y aura plus grande douleur au dos, et és parties postérieures. Et s’il est necessaire pour la grandeur du didyme, afin qu’il soit mieux rongé, de faire deux ou trois fentes, qu’elles soient faites du long : dans lesquelles on mettra tousiours du corrosif auec du cotton.

Et si adonc on voyoit que de Peau fust descendue en la bourse, qu’on mette vne esprouuette par le milieu du didyme, vers la bourse : et par icelle haussée de la main, les eaux soyent tirées hors : et puis on procurera la cheute de l’escharre, comme dit est. Quand le lieu sera mondifié, et qu’il y apparoistra chair rouge, soit incarné et traité de la curation des autres playes.

Quand la playe sera incarnée, que le malade commence à marcher peu à peu, portant le brayer et le bandage durant trente iours. Maistre Pierre (qui en ma presence en a guery trente) ne faisait reposer personne, ains aller par ville continuellement, afin qu’ils oubliassent la fascherie du corrosif : ce que ie ne loue pas, sinon que le boyau fust du tout retenu. Et en opérant, jaçoit qu’il coupast l’escharre tout à l’entour, tant qu’il luy estoit possible, il ne procurait par aucune maniéré sa cheute iusqu’à la fin qu’elle cheoit d’elle-mesme : ne mettant rien au pertuis, du commencement iusqu’à la fin, sinon de la charpie, auec des drapeaux et le bandage. Car son intention estoit que fescharre deffendoit la chair du corrosif : ce que ie n’estime pas asseuré, parce que demeurant l’escharre, il est assez difficile de sçauoir, quand sera reallement l’operation au