DOCT. II, CH. VII. — DE LA PIERRE DES ROG>ONS, ETC

viande et la boisson, l’inanition et la repletion, le mouuement et le repos, le sommeil et la veille, et les accidens de l’ame, obuiation des choses qui viennent par dehors, le baing, et d’estre au serain), qui déclinent à chaleur et siccité, auec atténuation. Et pource que Galen, quant aux viandes, l’a traicté au liure de la Blette subtiliante, i’obmets de présent son exquise per tractation,

Toutesfois ie dis en somme, qu’on délaisse toutes choses qui peuuent engendrer la pierre : comme sont (ainsi que disent Rhasis et Auicenne) les viandes grossières : comme pain sans leuain, et crud, chairs de vache et d’oyseaux marescageux, les poissons, les gros fruicts, aigres et verds, le fromage (spécialement le mol), et toute chose faite de laict, l’eau trouble, le vin gros et trouble. Et generalement toutes choses grossières, et gluantes, et de mal-aisée digestion, toute repletion, et vie crapuleuse.

Rhasis au liure des Diuisions le prenait ainsi (ce que Halyabbas accorde au premier de la seconde partie) disant : On est présenté de la pierre, pour quitter les viandes visqueuses, et continuer des semences qui mondifient les rognons, et abstenir de dormir sur le col, ou le dos, et ne pas trop estraindre sa ceinture, aller beaucoup à cheual, et trauailler du dos ; et vser de vomissement, quand il y a repletion.

Hermes dit (comme tesmoignent Arnaud, et le Conciliateur) que l’image d’vn Lyon, grattée en or tres-pur, le Soleil estant au signe du Lyon, la Lune ne regardant par Saturne et ne despartant de lity, portée dans vn brayer ou baudrier de veau marin, ou de Lyon, preserue du calcul.

Et l’encens scellé, ou le sang de bouc préparé auec la raesme figure, et puluerisé en ladite heure, donné auec du vin, rompt soudain la pierre, et fait pisser.

Quant à la preseriiatiue qui se fait par médicaments^ elle gist au droit vsage des éuacuatifs % et lauatifs des conduits. Si les pierreux sont pletoriqiies, on les éuacuë par phlébotomie de la basilique et des saphenes, si besoin est. S’il y a cacochymie, double purgation y est necessaire : sçauoir est par vomissement, et par le ventre. Le vomissement non seulement diuertit, ains aussi vuide la matière antecedente phlegmatique, engendrée dans l’estomach, qui estoit preste à causer la pierre, allant iournellement aux rognons. Hyppocrate ordonne ce vomissement vne fois le mois, tesmoin Galen au cinquiesme de Wsage, et Auicenne en plusieurs lieux.

I. Le vieux traducteur a leu, lenientes, mais non pas bien. Car nostre autheur vn peu après répétera le même mot, nous aduertissant que l’vsage du apéritif et lauatif est seur, apres l’euacuation. Or le médicament lavatif est celui qu’on nomme detersif, en grec punTi-xoç, comme Taperitif et expurgatif est dit des grecs, eapTixo? et sotçpaTty.o;- Et ils different entre eux, a raison de plus et moins, selon Galen. (J.)

SIXIÈME TRAITÉ. — MALADIES SPÉCIALES

Par le bas soit faite éiiacuation au Printemps, et en l’Automne, oa quand la nécessité y est, digérant au préalable la matière phlegmatique auec de l’oxymel simple, au troisiesme des aigüës, ou. auec le

squillitic, ou le diurétique, ainsi que dit Heben Mesue. Et si on le vouloit plus fort, on fera vn syrop des racines des cinq herbes capillaireSy et de la saxifrage, pimpinelle, filipendule, fraiziere, chaiissetrape de mer, et de la champestre, de la clauelliere, du calament et hysop, de la graine de geneure, des bayes de lierre, des semences de fenouil, ache, persil, ammy, daiicy, . semences froides majeures, spic-nard, squinanth, ou des fleurs de camomille et genest, auec du vinaigre squillitic ou passulé, et du miel ou succre à plaisir. Duquel syrop on donnera auec bouillon de pois ciches. La matière estant digeste, peut estre éuacuée par pillules d’agaric ou auec de là benedicte, ou du catliolicon.

Et apres l’éiiacuation, on va seurement aux lauatifs et apéritifs des conduits. Or il y a en general deux sortes de médicaments aptes à cela : les vns sont de moyenne vertu, comme figues, amandes, pistaches, fruicts de câpres, raisins secs, et semblables, qui peuuent estre donnez seurement en grand vsage, et au commencement, par Faduis de Galen au neuuiesme de la Thérapeutique , et au second des Aliments, d’autant qu’ils n’ont pas la vertu d’ameiner intempestiuement la viande au foye, et aux membres vrinals. Par mesme moyen peut estre donné le cresson : car il a vertu resolutiue, vrinatiue, rompant la pierre de la vescie, au hiiictiesme des Médicaments. L’Aggregateur loué les ourties : ce que Aiienzoar confirme.

Les autres sont de plus violente vertu ; comme le pouliot, le fenouil, boüillon de ciches noirs, et semblables, qui doiuent estre d’vsage rare, et corrigez, et donnez loing du repas, afin qu’ils ne nuisent en bruslant le sang, et eschaulïant les rognons : et afin que pour la legereté du portement ^ ils n’ameinent la viande indigeste au foye, et aux lieux vrinals, comme porte Faduis de Galen au quatriesme et au sixiesme de la Santé.

A cette intention conuient la peurée de maistre Arnaud, faite des pois ciches, lesquels estant remollis toute la nuict en eau douce, au matin en la mesme eau soyent bouillis par deux bouillons, auec vn peu de persil : et y ayant adjousté vn peu de poudre nardine, saffran et vin blanc, on le donne coulé. Plusieurs y adjoustent du chien-dent mondé : les autres du cumin en hyuer : quelques-vns en esté du jus de limon, ou d’orange, et graine de melon. Telle purée nettoye les veines capillaires du foye, et les passages des rognons, et ainsi preserue du calcul, comme il affirme.