DOGT. II, CH. MI. — DE LA PIERRE DES ROGNONS, ETC

A cette intention aussi on a fait des Tins diurétiques, au cinquiesme de la Santé, auec de la betoyne et cestre, que les Latins appellent saxifragie. Quelques-vns y mettent soigneusement du spic-nard, les autres quelques autres choses qui puissent mouuoir les vrines.

Les médicaments composez à cette intention sont, le Diacalament et le Diaspolitic, au quatriesme de la Santé, que Auicenne au cinquiesme, et Serapion au septiesme de son Breuiaire, appellent Diacumin.

Cependant la chaleur des lieux peut estre corrigée auec huile rosat, violât, et de scorpions : et auec epitheme fait du sandalin, et des eaux froides, se gardant de trop grand exces.

Or il est jà temps d'entreprendre la description curatiue par médicaments. Cette intention curatiue est accomplie par les mesmes medicaniens que la preseruatiue, tesmoin Galen en V introdnetoire : Tout ce qui (dit-il) guérit les maux qui se font desià, cela aussi les empesche d’estre auant qu’ils soient faits. Et au quatriesme de la Santé : C’est vne mesme chose, la garde des maux futurs, et la correction de ceux qui ià sont engendrez, combien que les degrez varient : mais la pierre de la vescie en requiert de^plus forts, que celle des rognons, comme dit Auicenne. Il faut donc auant toute chose, en l’acte curatif, commencer par vn clystere lenitif. Cela fait, si la douleur presse, qu’on préparé vn baing temperé, auquel soient cuits des remollitifs, qui rarifient temperément, et appaisent la douleur.

Tel est, selon Arnaud cettuy-cy : PR. Langue de chien, quatre manipuls : berle, deux manipuls : cresson, mi manipul : ache, demy manipul. Estans concassez legerement, qu’ils prennent vn bouillon en eau simple : puis tout soit jelté dans vne conche, et qu’on y adjouste vne liure de vin blanc. Et quand il sera moins que liede que le malade s’y asseye de sorte, que l’eau attaigne presque le nombril. Cela opéré notablement, en mitiguant la douleur, et dilatant les voyes et passages, et en sortant la pierre, pourueu toutesfois que le baing soit prins bien tempéré \

Apres cela, afin qu’il puisse plus seurement vser des médicaments qui brisent, etmesmement des forts, ie loué l’euacuationlenitiue de la matière antecedente, telle que auec de la casse fistule, ou du diacatholicon : taisant pour lors les médicaments attractifs, suiuant le conseil dAuicenue.

Ayant euacué et adoucy le ventre, il faut donner de ceux qui rompent la pierre. La meilleure heure de les administer, est à la sortie du bain. De ce nombre est la décoction des pois ciches, et la décoction du chiendent, au sixiesme des Simples. Et ceux qui ne sont gueres chauds, auec ce, qu’ils peuuent inciser, sont les meilleurs : comme sont mis pour exemples au cinquiesme desdits Simples, les racines d’asperges, et la ronce,