DES PASSIONS DE LA MATRICE
Et premièrement de sa closture.
La matrice est close en plusieurs maniérés, ainsi que monstre Albucasis : toutesfois il n’y a qu’vne curation, par incision : sçauoir est, auec vn rasoir, ou auec vn lien de fil, si c’est de chair adjdustée. Et si c’est d’vne peau, soit ouuerte auec les ongles, ou rasoir. Puis on y met vne tente cannulée, de bois ou de plomb, ointe auec du beurre ou de l’huile, afin qu’elle puisse pisser. Ou qu’on y mette vne tente ferme de linge, en forme d’vne petite verge, et qu’on la remue souuent. Ou quelle vse du coït afin qu’elle ne se referme.
De l'amplification de la matrice. On la restraint, selon Auicenne, de ce qui s’ensuit : poudre d'escorce de pin, quatre parties : alun,
deux parties : souchet, vne partie. Soient cuits en vin adstringent. Qu’on y moüille vn drap de lin, et soit appliqué.
Du tentige de la matrice. Aucunesfois l’addition charnue, qu’on nomme Tentige croist tant en la vulue, qu’elle fait desplaisir et nuisance. Sa curation est selon Auicenne, qu’on la coupe auec vn lien, ou rasoir : mais non pas jusqu’au fonds, de peur du sang. Puis soit traitée de la curation des autres playes.
De tirer hors V enfant.
L’enfant sort naturellement sur sa teste, sa face tournée vers terre.
Toute autre sortie est contre nature, et difficile. L’enfantement aussi est difficile, à cause de la pluralité des enfans. Car quelquesfois il y en a deux, et selon Auicenne cinq, ou dauantage : et selon Albucasis plus de sept, sçauoir est dix, comme il dit Et d’autant que cet affaire est exercé par les femmes le plus souuent, il ne s’y faut gueres arrester.
Toutesfois il conuient bien aduertir les sages-femmes que si la forme de la sortie est naturelle et difficile, ces parties-là soient remollies par fomentations et vnctions remollitiues. Et que la femme s’y aide par esprainte, et rétention de son haleine, et prouocation d’esternuëment auec poudre de poivre, ou d'euphorbe, et semblables.
1. Guy sous le nom de matrice ou amarry (v. p. 67) comprend le vagin et la matrice surmontée de deux bras cellulés avec les testicules, lesquels sont les trompes et les ovaires.
2. « Tentigo », c’est lé clitoris (Mingelousaulx). V. Tr. I, p. 67.
3. Voici le passage d’ Albucasis, trad. Leclerc (p. 179) : « Il peut se former dans la matrice, un, deux, trois, quatre, cinq, six, sept et même plus de dix fœtus. »
