Obstetrices

DOCT. n, CH. Yil. — DES PASSIONS DE LA MATRICE, ETC. 549

Le buchormarien et l’agrimonie liez à la cuisse, rendent aisé l’enfantement, comme disent les experts.

Mais si la sortie n’est en forme deuë et naturelle, qu’on la réduise à la naturelle de tout son pouuoir, en esleuant les cuisses de la femme.

Et si par fortune l’enfant estoit mort (ce que l’on cognoistra par l’amoindrissement des mammelles, et que l’enfant ne se meut point, qui se mouuoit auparauant : et par la froideur du ventre, par la puanteur de l’haleine, par l’enfoncement des yeux et la mortification des lèvres * et de tout le visage, par l’enfleure du ventre : et de ce que quelque maladie aiguë, ou cheute ou coup ® ont précédé), adonc la sage-femme doit essayer, ayans ses mains oingtes, et ces lieux estans amollis auec des remollitifs, fomentez, et pessairisez par prouocation d’esternuëment et médecines qui excitent Tauortissement ®(comme est le castoreum, et la myrrhe, auec la rhuë, et semblables), si elle le pourra tirer dehors : Sinon, qu’on y mette l’instrument dit spéculum, fait auec vne vis de pressoir et qu’on ouure la matrice tant qu’il sera possible. Et que, puis on le tire auec les mains, crochets et tenailles, entier ou en pièces, et qu’il n’y demeure point.

Combien que Albucasis dise auoir veu vne femme qui fut engrossie sur vn enfant mort délaissé, et qu’ apres vn long temps les os sortirent par vn aposteme du nombril, et qu’elle vesquit ainsi longuement : Toutesfois la cautelle ^ est que, si en la teste de l’enfant mort, ou en la poitrine, ou au ventre, ou en l’arriere-faix % y a de l’eau, qui de sa tumeur empesche la sortie, elle soit coupée des ongles, ou d’vn spatume, et l’eau en soit tirée, et ainsi l’enfant sortira mieux.

S’il aduenoit que la femme fust morte (ce que l’on cognoistra par les signes dits auparauant en traitant des morts), et on se doute que l’enfant soit vif, parce que l’ordonnance du Roy deffend d’enterrer la femme enceinte, iusques à tant que l’enfant en soit dehors, en tenant la bouche de la femme et la matrice ouuertes (comme les femmes veulent ®), la ^ femme soit ouuerte auec vn rasoir, de long à costé gauche, d’autant que

1. Bothormarie, Buchormarien et Buthermarien, sont les noms arabes du Cyclamen (M. etD.).