CY COMMENCE LE SEPTIESME TBAITÉ

qu'on nomme Antidotaiy^e, contenant deux doctrines.

LA PREMIÈRE DOCTRINE est des antidots, ou remedes vniuersels. LA SECONDE DOCTRINE sera des particuliers.

La première doctrine aura huict chapitres.

PREMIER CHAPITRE

De la phlébotomie, des ventouses et sa?ig-suës.

sçaurois bien allonger mon propos, si ie traitois exquisei ment des antidots, ou remedes par lesquels la fin prétendue I en Chirurgie est conduite aux lieux du sujet : outre ce, que

^1 par tout le liure, en traitant le moyen de conduire ladite fin,

déclarant par exemples les indications curatiues, i’ay inséré plusieurs et les plus propres remedes. Et qui ne s’en contentera, ou en voudra auoir dauantage, il les peut chercher et prendre en tout le Continent, et grand Antidotaire d’Azaran : esquels liures il trouuera assemblez mille milliers des remedes des anciens. le n’ay gueres accepté et receu des choses empiriques et enchantements, desquelles ou trouue grand nombre en la Gilbertine et au Thresor des panures. Toutesfois à ce que ie ne sois veu sortir du sentier des autres, ie rememoreray le plus briesuement qu’il me sera possible, quelques remedes les plus communs, et de moy vsitez. La répétition n’en doit estre déplaisante : car les choses vtiles souuent redites, profitent. Et auec ce, en les redoublant ou réitérant, elles peuuent estre corrigées et amendées. Or d’autant que la phlébotomie est entre tous les autres, le plus commun, et notable remede (car elle estant

'oo6

SEPTIÈME TRAITÉ. ^ AATIDOTAIRE

obmise, tout autre est sans efficace ès maladies sanguines, au neufiesme de la Thérapeutique)^ il conuient commencer par elle.

Phlébotomie est incision de veine, éuacuant le sang, et les humeurs qui courent auec le sang dedans les veines. Ainsi l’a descrit Arnaud, au liure de Opéré particulari, en lequel il ameine par exemple l’operation de la phlébotomie : Et pource aussi, disoit Auicenne, en la quatriesme du premier, que c’est vne éuacualion vniuerselle, vuidant la multitude, et en la première du troisiesme, que c’est vne commune éuacuation des humeurs. Et Galen au sixiesme des Aphorismes Quiconques ont besoin de phlébotomie, etc., dit, que la phlébotomie est remede commun à toutes maladies pléthoriques. Et est, selon Rhasis, au quatriesme de ses Liures à Almansor, fort profitable pour conseruer la santé, et pour la curation des maladies, si elle est faite ainsi qu’il appartient. Mais si elle est faite autrement, elle cause débilitation de vertu, et génération d’hydropisie, et autres mauuaises maladies, et fait que la vieillesse anticipe.

La phlébotomie fait de grandes choses, comme Galen le preuue en son liuret de la Phlébotomie, parlant du Romain qui auoit mal aux yeux : où il est dit aussi, qu’vn Erasistracien fut nommé Sanguifuge \ de ce qu’il deffendoit la saignée.

Ce remede est plus seur que la Pharmacie, car en la phlébotomie on a principalement ce bien (ainsi qu’il est escrit là mesme) que quand nous la voulons arrester, nous l’arrestons : mais ce qui est vne fois aualé dans le ventre, il opéré, et ne le pouuons arrester comme il nous plaist.

Sur ce notable remede, Galen recherche cinq questions, audit liuret de la Phlébotomie. La première, qui sont ceux qui ont besoin d’estre vuidez. La seconde, qui par phlébotomie. La troisiesme, qui sont ceux qui la peuuent supporter. La quatriesme, par quelles veines il la faut faire. La cinquiesme est, de la mesure de la saignée. En apres il détermine du temps, et les autres Docteurs ont adjousté quel régime il y conuient obseruer.

I. ljdi première est enquise, par la presence des deux repletions, sçauoir est quant aux vaisseaux, et quant à la force : comme il est distingué au liure de la Multitude ou pléthore, et au quatriesme de \ Entretien de santé. Car toutes repletions doiuent estre vuidées (ainsi que la doctrine d’Hyppocrate crie en ses Aphorismes), soit de la part sanatiue, soit de la preseruatiue, à ce qu’en nous et sans cause on n’vse ses paroles à telles distinctions, comme dit Galen au Commentaire.

II. La seconde est demonstrée par la repletion des veines (au commentaire : Douleurs des yeux, et au quatriesme de XEntretien de santé, et

1. Quelques autres lisent Sang -craignant (sanguis trepidus) ; lequel mot respond -mieux à la diction grecque a?u.«?oêoç. (J.)

DOCT. I, CH. I. — DE LA. PHLEBOTOMIE

par tout), que si elle est de tous humeurs également, ou du sang trop copieux, il conuient faire Teuacuation par phlébotomie. Car les veines sont le lieu du sang et des autres humeurs, mesmement des naturels, ainsi qu’il a esté dit en l’anatomie.

Or il y a six intentions ausquelles la saignée est vtile. La première, est pour éuacuer : la seconde, pour diuertir ; la troisiesme, pour attirer* : la quatriesme,*^pour altérer ; la cinquiesme, pour preseruer : la sixiesme, pour alléger.

; De la première, ont dit les Méthodiques, et plusieurs autres (comme il est déduit au quatriesme de la Thérapeutique), que l’euacuation regarde seulement pour object la concurrence pléthorique dequoy Galen les reprend audit lieu. Et au liuret cy-dessus allégué de la Phlébotomie, il monstre que la saignée n’est pas faite seulement à cause de la multitude ou quantité des humeurs, ains aussi à cause de la force de la maladie, sans qu’il y ait multitude lors que le phlegmon commence ou; qu’on l’attend, et encore à raison d’vn coup ou de la'douleur, ou abondance des humeurs principalement sanguines, ou pour l’imbécillité de. la partie. Gar telles choses peuuent causer phlegmon, sans que le corps soit replet. Quant à la grandeur ou force du mal, il la prend en trois; sortes, ou à cause que la partie malade est des principales, ou pour la grandeur et amplitude de la disposition : et la troisiesme, pour sa mauuaise morigeration.

De la seconde il disoit au liuret susdit, que la phlébotomie est prise aucunesfois comme remede éuacuatif, aucunesfois comme antispatic, c’est à dire diversif ^ ; ainsi qu’il déclaré là ès fluxions, et au cinquiesme de la Thérapeutique, disant, que si la narille dextre saigne, il faut saigner la main droite : et si la senestre, la gauche. Et c’est la chanson d’Hippocrate au cinquiesme des Aphorismes ; Quand le derrière de la teste deult, il profite d’inciser la veine droite du front. Hyppocrate ne s’estudie pas seulement (comme dit Galen au Commentaire) de vuider ou il faut vuider, ains que ce soit auec antispase.

De la troisiesme il est dit au mesme liuret, que si nous voulons prouoquer les menstrués, nous ouurons les veines d’en bas, ou nous scarifions les iambes % au temps du mouuement accoustumé.

De la quatriesme, disoit Galen (au neufiesme de la Thérapeutique, et

1. Mais plustost pour retirer, ce qui est de la reuulsion, en Grec ditte, antispase (avTt-citaio, tirer en sens contraire), laquelle Guy ne distingue pas assez bien de la diuersion ou deriuation, en Grec nommée Tzapoyj-B’jaii (dérivation). Car il dit à tous propos, diuersion pour reuulsion, et vse de ce mot attraction, quand il veut dire retraction ou reuulsion à l’opposite. (J.)