Vel suras scarificamus

SEPTIÈME TRAITÉ. — ANTIDOTAIRE

au Commentaire vingt-troisiesme du premier liure Aphorismes : Il ne faut estimer ce qu’on vuide [par la quantité, etc.), que la saignée iusques à défaillance de cœur, soudain cause vn refroidissement de tout le corps, et estaint la fiéure, comme s’il l’auoit tué.

De la cinqiiiesme, il monstre (au mesme liuret, et en’ce commentaire du sixiesme des Aphorismes : Quiconques ont besoin de phlébotomie, etc:), que la phlébotomie preserue plusieurs prests à choir en maladies, de sorte qu’ils n’y tombent pas. Ce qu’il déclaré, par ceux qui sont disposez à cracher le sang à peripneumonie, squinance, epilepsie, apoplexie : lesquels ayans esté saignez au printemps, en ont esté preseruez. Ez cheutes semblablement, et ès coups, et ès playes, on met deuant la phlébotomie ^ afin d’empescher la venue du phlegmon, comme il a esté dit. Car il vaut mieux anticiper la phlébotomie que d’attendre les accidents de plénitude.

De la sixiesme, Galen parle en l’onziesme de \ei Thérapeutique^ vers le milieu du quinziesme chapitre : Doncques il est tres-bon (comme dit est), d’ouurir la veine, non seulement ès fleures synoches, ains aussi en toutes autres qui sont auec pourriture des humeurs, quand, ou l’aage, ou la vertu ne le deffendent pas. Car la nature qui dispense et régit nos corps, en estant allégée, rejettant ce qui la greuoit, comme quelque fardeau, dominera facilement le reste. Parquoy elle digérera ce qui peut estre digéré, et rejettera ce qui peut estre rejetté, reprenant ses propres actions.

III. La troisiesme question, qui sont ceux qui la peuuent soustenir, est conclu au mesme liuret, que ce sont ceux qui ont la vertu robuste, les veines grosses et amples, qui n’ont l’habitude ou corpulence fort maigre, ne la couleur blanche, ne la chair molle. Ceux qui sont disposez au contraire, ne la peuuent soustenir sainement, car ils ont peu de sang, et la chair facilement éuaporable. Dont suiuant cette raison, les enfans ne doiuent estre saignez auant l’aage de quatorze ans, ne les vieux outre soixante et dix, sinon qu’il y en eut grande nécessité présente : et lors auec bonne preuoyance et cautelle.

Et selon le mesme Galen (au premier à Glaucon, ainsi qu’il est affirmé par Rabby-Moyse), ceux qui ne sont accoustumez d’estre saignez, ne soustiennent la saignée, ne ceux qui ont l’estomach debile, ne les corps occupez de diarrhœes ou flux de ventre, ne les crapuleux ou qui endurent indigestion de ventre, comme aussi il est dit en l’vnziesme de la Thérapeutique. Et Hyppbcrate en excepte les femmes enceintes, au moins quant est des derniers mois.

Quoy que ce soit, des significations ou indications à prohiber la phle-