DOCT. I, CH. II. — DES MÉDECINES QUI PURGENT

fraischement prises, ains soient gardées vn iour en eau nette, iusques à tant qu’elles vomissent ce qu’elles ont dans le ventre. Puis soit frotté le lieu, et laué tant qu’il deuienne rouge : ou soit mouillé de quelque sang : ou que l’on scarifie vn peu le lieu, à ce que d’iceluy fluë quelque sang. Qu’on les applique auec la main, ou auec vne canne ^ : et qu’on en mette deux ou trois, ou tant qu’il sera necessaire pour extraire si grande quantité de sang, qu’il sera besoin. Et quand elles seront engrossies, cheront d’elles-mesmes. Ou qu’on verse sur leur teste du vinaigre, ou du sel menu, ou de l’aloê, ou soient séparées auec vn fil, ou poil de chenal, ou chose semblable.

Et apres il est bon de succer le lieu, et le lauer auec eau et vinaigre. Et si le sang y multiplioit, qu’on emplastre le lieu auec bol arménien, et galles, ou balaustes, et autres choses qui restreignent le sang, et que le patient soit gouuerné comme celuy qu’on a saigné. Et si on luy donnoit apres vn peu de theriaque, à cause de la vénénosité des sang-suës, il seroit bon, comme dit Arnaud.

SECOND CHAPITRE

Des médecines qui purgent les humeurs.

AçoiT que Galen (en plusieurs lieux, et non moins au troisiesme du Techni, et au Commentaire de cet aphorisme du quatriesme liure : Si quels humeurs il faut purger, etc.), ait nombré plusieurs moyens d’éuacuer, comme sont par la saignée, par la medecine dejectoire^ et vomitoire, par les narilles, le palais, la toux, les vrines, la matrice, les hæmorrhoïdes, et encores par exercices, frictions, sueurs et bains, et accidentallement par abstinence : toutesfois, quant est de présent, ne sera fait icy mention, que du moyen de vuider par le ventre par vomissement., et par clysteres., car de l’éuacuation qu’on fait par saignée, il a esté dit cy-dessus. Et ce sont les deux maniérés d’éuacuations, qui se présentent le plus en l’art de chirurgie. Nous n’en dirons gueres, d’autant que cela appartient plus à messieurs les Physiciens, qu’aux Chirurgiens, sinon qu’ils fussent meslez. Car il y a grand danger