Joubert donne ce passage en vers

Fiêure synoche, et colique douleur.

Nous font vuider l'humeur ains quil soit meur.

La frenesie est de mesme raison.

Et la squinance, et d'anthrax la poison.

SEPTIÈME TRAITÉ. — ANTIDOTAIRE

crate : Le Médecin aide à Nature, et ne rempesclie point. Pour ce il estoit dit au troisiesme du Techni ; Nature est l’oiiuriere de tout, et le Médecin est son ministre.

Cinquiesmement, il ne faut purger les vuides, ne les debiles :: car où il y a indigence, il ne faut trauailler, comme dit Hyppocrate. Et Auicenne dit qu’à toute éuacuation est jointu la choiste ‘ de vertu.

Sixiesmement, ne doivent estre purgez les préparez à flux, comme les begues, qui sont promptement espris de diarrhœe, au sixiesme des Aphorismes.

Septiesmement, les enfans, et les vieillards ne doiiient estre purgez par medecine : les enfans, parce qu’à raison de leur force, ils sont suffisans à rejetter les superfluitez par insensible resolution (comme dit lean de Sainct Amand) et sont resolubles de nature : les vieillards, d’autant qu’ils sont debiles. Suiuant ce que dit Galen au cinquiesme de la Conserimtion de santé., ny l’aloë, ny l’hierre (ainsi que quelques vns les permettent) doiuent estre donnez aux vieux : c’est assauoir par voye de conseruation, comme disoit maistre Paul. Mais qu’ils puissent estre donnés par voye de curation, Galen ne le refuse pas, ains le concédé là mesme, quand la nécessité est imminente. Et suiuant telle raison, toutes choses qui affoiblissent la vertu, prohibent les médecines : comme les sueurs, le baing, le coït, et autres éuacuations et choses semblables.

Huictiesmement, tu ne dois bailler medecine vuidant par le bas, quand le siégé est apostemé ou escorché, au treiziesme de la Thérapeutique, où il est dit : Quand le ventre et les boyaux commencent à s’inflammer, il ne conuient pas vser de medecine qui vuide par le bas.

Neufiesmement, aux laboureurs ne conuient ^ ne compete la medecine, parce que les humeurs se consument en eux suffisamment : et auec ce, ils ont des complexions hors de règle, brutales, et barbares (au septiesme du CoUiget) de sorte qu’ils eschappent de fortes maladies sans Médecin et médecines.

Dixiesmement, les femmes enceintes ne doiuent estre purgées, d’autant que à raison de la commotion et dilacération des ligaments, elles auérteroient, sinon qu’il en soit besoin, à cause de la matière venimeuse, de laquelle on craindroit qu’elle ne allast aux membres principaux, et tuast la mere et l’enfant ensemble : ou quand c’est matière faisant auorter : et pour lors on purge plus seurement du quatriesme au septiesme mois, et certainement non auec quelque medecine que ce soit, ains auec vne

1. « Casus virtulis. » — Choisi, estre choisi, être abaltu (Du Gange).

2. « Supplæ. » Joubert traduit ce mot ici comme dans les autres endroits par « supplées ». — Le ms. 24249 traduit par « cest assauoir ».