Per præsidum

NiCAISE. — Guy de Chanliac. 37

SEPTIÈME TRAITÉ. — ANTIDOTAIRE

ment besoin de purgation, afin de vuider la superfluité qui nuist ; ains aussi aux fins de faire reuulsion et euacuation. Car (dit-il) si le rheume est porté en haut, nous le purgerons par en bas : et s’il va en bas, nous le retirerons en haut. Mais quand le rheurne cesse desià et est arresté, il vaut bien mieux vuider par la mesme partie, ou par sa voisine. Et ceste parole est à noter \

De la quatriesrne, pour alléger on donne fort souiient medecine purgatiue au commencement des maladies, suiuant la doctrine d’Hyppocrate au second des Aphorismes^ en minorant ou diminuant, et non en desracinant, comme veut Auicenne au quatriesrne de la Cure des fûmes putrides. Car nature allégée digérera plus aisément le résidu, comme il est dit au Commentaire , et a esté allégué cy-dessus en traitant de la phlébotomie, du liure onzième de la Thérapeutique.

II. A la seconde question., qui sont ceux quipeuuent conuenablement porter les purgations par médecines, respond Hyppocrate au second des Aphorismes, ceux qui sont espais environ le nombril et le penil. Car il faut (comme dit Galen au Commentaire) que les parties basses et de la poitrine soient fortes pour bien purger la matière par le ventre inferieur ; comme ceux qui ont fortes les parties d’enhaut, ne sont offencez du vomissement. Et pource il estoit dit au quatriesrne des Aphorismes, que tu ne conduiras pas les phthisiques aux purgations supérieures, ains les maigres, selon les membres formez de chair et non selon les membres radicals et spermatiques, ainsi que Albert de Bologne annote là dessus. Car tels pour la pluspart, sont aptes ou enclins à vomir, et le plus souuent à raison de la cholere qui s’engendre en eux, comme il a esté dit au Commentaire.

Sont aussi aptes à la purgation (selon Rhasis au quatriesrne), les corps qui pechent en régime, à cause du manger beaucoup, et desordonnément. Et ceux qui vsent de peu d’exercice, ont besoin de médecines, au premier de la Conseruation de santé, et en la troisiesme Fen du premier. Et ceux qui y sont accoustumez l’endurent mieux. Pource disoit Galen au liure de VVsage des médicaments : Quand tu dois bailler medecine à quelqu’vn, il le faut interroger s’il a accoustumé d’en prendre, et comment s’en porte son ventre. Car s’il l’a accoustumé, il l’endure mieux : s’il ne l’a accoustumé, il faut sçauoir comment il alloit à la selle estant sain. Et si en santé, ou quand il a accoustumé à prendre médecines, son ventre est obeyssant et bien aisé à lascher, il a besoin de plus legeres et moindres médecines : mais s’il est dur et desobeyssant, de plus fortes. Car telles conditions supportent les médecines ; non pas ceux qui sont disposez au contraire : et pour ce ils ne doiuent estre medecinez que bien prudemment.

i. « Et est verbum notabile. »

DOCT. I, CH. If, — DES MÉDECINES QUI PLTlGENT

Premièrement, donc ceux qui ont les parties d’entour le nombril transies et maigres, sont deceuables à la purgation inferieure, selon Hyppocrate au liure que dessus.

Secondement, les corps sains ne doiuent estre purgez : car d’autant que la medecine opéré par semblance ^ (au moins en forme proportionnelle, comme lient notre Escholle), ne trouuant point de mauuais humeur nuisant, elle se tourne deuers la chair, et les humiditez radicales, et les fond et moleste, comme dit le Commentateur.

Tiercement, aussi ne doiuent estre purgez, ceux qui vsent de mauuaise nourriture, entendez, qui soit comiertie en habitus ou substance du corps® ; ainsi que maistre Albert déclaré en lèpre confirmée, en laquelle la medecine donne angoisse, et rend lasche celuy qui la prend®. Mais si les mauuais humeurs ne sont encores conuertis en l’habitus du corps, il n’y a point d’inconuenient de purger, ains il est necessaire.

Quatriesmement, ne doiuent pas estre purgez les humeurs cruds et non digérées, suiuant Hyppocrate au premier des Aphorismes : On doit medeciner et mouuoir les matières digestes, non les crues, ny ès comm encemens (supplées, en desracinant, jaçoit qu’il se face en allégeant comme dit est), sinon que la matière soit remuante, et furieuse. Et combien que Galen au Commentaire ne die la matière estre furieuse, sinon à raison du mouuement, toutesfois l’Eschole commune l’entend estre furieuse à raison de la quantité, du lieu, et de l’accident. Et pour ce elle dit : Synoche auec colique, frenesie, squinance et anthrax commandent euacuer les humeurs crues

Car les matières esmeuës et transfiuentes d’vne partie à autre, afin qu’elles ne se ietlent impétueusement aux membres principaux, doiuent estre vuidées le plustost que l’on peut. Mais celles qui sont fermes en quelque partie, il ne les faut pas esmouuoir auant que soient digestes, comme dit le Commentateur, ains quand elles, sont digestes : sinon, que nature fust suffisante à les rejetter. Car lors nous luy deuons aider : autrement qu’on la laisse besongner : d’autant que (selon Galen au premier des Lieux afflige^) il n’y a que les passions ausquelles nature, a cause de leur grandeur, ne peut dominer, qui requièrent secours extérieur. Et Auicenne au quatriesme de la Cure des fievres putrides dit de l’authorité d’Hyppo-