DOCT. I, CH. II. — DES MÉDECINES QUI PURGENT

Et en soEome, dit Auicenne, la reigle competante à lascher, est de remollir le naturel auant que lascher le ventre. Doncques, cependant qu’ils hoiuent du syrop, soient regis auec des choux et bronêts remollitifs, sinon qu’ils eussent bon ventre de nature, ou qu’ils fussent disposez à flux. Et auec ce Auicenne conseille, que s’il est constipé, ayant la matière fecale endurcie, qu’on luy baille auparauant vn clystere remollitif.

En l’acte de l’administration de la medecine, il se faut aduiser qu’il la retienne, et ne vomisse point (au moins iusques à tant qu’elle ait fait quelque operation), et ce auec frictions des extremitez, et en maschant des pommes, et flairant des rosties trempées au vinaigre Il faut aussi garder qu’il ne dorme, sauf que la medecine fust en substance solide : car adonc il faut dormir, iusques à tant qu’elle commence à operer. Mais quand elle commencera à operer, qu’il ne dorme point, sinon qu’il la voulus! restreindre. C’est aussi le conseil d’ Auicenne, qu’on se repose ayant prins la medecine, afin qu’elle soit comprise de nature % iusques à ce qu’elle commence à operer. Et pour lors qu’on se menue et chemine petit à petit, sur tout si la medecine est paresseuse à operer : suiuant la doctrine d’Hyppocrate, au quatriesme des Aj)horismes : Quand quelqu’vn aura beu de l’ellebore, qu’il se meuue. Cependant Auicenne conseille, que si la medecine prise n’opere, qu’on la laisse, s’elle ne fait aucune nuisance. Mais si on en craignoit quelque chose, il vaut mieux qu’on luy face vn clystere, que si on luy donnoit derechef vne medecine. Car (comme il dit) en vn iour donner deux médecines qui laschent le ventre, il est à craindre, et hors de reigle.

Apres l’operation de la medecine, pour lauer l’estomach et les intestins, Galen conseille au septième de la Thérapeutique, de boire vn traict de ptisane. Mais les Parisiens donnent eau d’vn trumeau ® de bœuf ; et ceux de Montpellier, eau de poullet. L’estomacb et les boyaux estans iauez, lean de S. Arnaud conseille d’aualer auant que manger, quelque suc astringent, afin que la bouche de l’estomach eschauffée de la medecine soit confortée.

Le manger de celuy qui a pris medecine doit estre médiocre, et de bon suc, comme bonnes poules et chapons. Et doit manger moins que de coustume, afin que la viande soit proportionnée au patient débilité par l’éuacuation : suiuant la doctrine du premier des Aphorismes, et du second du Régime ès maladies aiguës. Et selon qu’estoit la matière nuisante, soit ordonnée la qualité, car apres l’éuacuation et le retran-