DOCT. L CH. UI. — DES CAUTÈRES
La septiesme est monstrée de Tvsage, à extirper les choses superflues. Et de cette façon on ouure les apostemes, on retranche les glandules, on extirpe les chairs viues et mortes, et semblables choses.
Quant aux vtilitez particulières, jaçoit que Albucasis en ait mis cinquante et six, et Halyabbas vingt, et plusieurs soient mises de Brun, Rogier, et ses glosateurs, de Guillaume aussi, et Lanfranc, et Henric, selon qu’ils commandent les faire en diuers endroits ; ce neantmoins les modernes operateurs ne les font que suiuant la diuüion en huict parties du corps % que nous auons poursuiuie en ce traité.
Premièrement, au sommet de la teste, au lieu où paruient le doigt moyen, quand la main est estenduë en haut, la racine de la paulme sur le nez ^ conseillent Albucasis, Halyabbas, Brun, Guillaume, Lanfranc et Rogier auec ses gloseurs, des cautères ronds auec vn oliuaire, à euaporer le cerueau, et diuertir les matières qui defluent aux parties inferieures Quelques-vns les profondent iusques à l’os, les autres raclent ou exfolient la première table du crâne : ce que n’approuue gueres Albucasis. Et pource valent tels cautères à la manie, epilepsie, et douleur de teste, aux fluxions ès yeux, aux phthisiques, et à tous rheumes ^ On fait aussi des cautères aux cornes de la teste, et au derrière auec le mesme instrument, pour eschautfer et conforter la teste, en paralysie, tremblement, et conuulsion, et à pallier ladrerie.
Au visage (qui est la seconde partie), on fait plusieurs et diuers cautères, pour les vtilitez particulières. Car on en fait aux paupières, pour les emender et releuer, auec vn cautere myrtilin. En la place des poils pour boucher les pertuis des poils arrachez, aux fins qu’ils ne renaissent : et ce auec vn acual, ou cautere en forme d’aiguille. Aux lachrymals, pour y consumer la chair superflue, auec vn petit cultellaire. Au coin près du nez, pour la fistule auec vn acual, et la cannule. Aux tempes, à clorre les veines, contre le rheume des yeux, auec vn cultelaire. Au nez, à consumer le polype, auec l’acual, et la cannule. Aux levres, pour les fendilleures, auec vn petit cultelaire. Aux dents, pour la douleur et pourriture d’iceux, auec l’acual et la cannule. A l’vuule, pour la trancher ® auec vn cautère tranchant, et la cannule faite à maniéré de cuillier.
