Vesicae elevatae

QVATRIESME CHAPITRE

Des oyerations^ et de Vartifice à préparer les antidots ^ qui conuiennent à Part de Chirurgie.

■L est fort souuent necessaire et tres-vtile aux Médecins, et sur j tout aux Chirurgiens, de sçauoir inuenter et composer, et aussi d’administrer les remedes® aux malades, parce que plu-

1 sieurs fois il leur aduient de pratiquer en des' lieux où Ton

ne trouue aucuns Apoticaires : ou si on y en trouue, ils ne sont pas si bons qu’il faudroit, ne si bien fournis de tout : Ou il y a plusieurs pauures qui n'ont dequoy achepter les choses propres et précieuses : parquoy il se faut passer auec des choses communes. Pour ce fait, Galen ès premiers liures des Simples tnedicamens, a donné la doctrine, et le moyen de connoistre les simples medicamens, par la substance, la saueur, l’odeur, et semblables : et la maniéré d’en faire des compositions, en dix et sept liures de la Composition des medicamens : desquels, dix sont nommez Miamir, ou selon les lieux., et sept Catageni, ou selon les genres., ainsi que Haly tesmoigne à la fin du Techni.

Et ainsi que Galen recite l’auoir fait luy mesme quelquefois, comme au sixiesrae du Miamir, estant aux champs et n’ayant point de Diamoron, il inuenta le Dianucum, pour vn qui auoit mal à la gorge®. Et en l’vnzième de la Thérapeutique il print de l’afisynthe, pour vn panure Médecin qui auoit vne inflammation de foye, d’autant que il estoit nuit et que à celte heure là on ne pouuoit acheter de l’huile nardin.

Quant à moy, i’auois accoustumé ne sortir iamais des villes, sans porter auec moy vne bourse de clysteres, et quelques choses communes, et j’allois chercher les herbes par les champs, auec les susdits moyens, pour SLibuenir promptement aux malades : et ainsi i’en rapportais honneur, profit, et grand nombre d’amis, et entretant ^ les propres choses estaient ordonnées, et procurées.

Dauantage, il est aussi vtile de sçauoir beaucoup de médecines, d’autant que tout ne se trouue en tous lieux, comme cy-dessus a esté allégué du Miamir, quand nous parlions de l’aposteme des oreilles. Et ce qui sert à vne heure, ne sert pas à l’autre, et ce qui profite à l’vn, nuit à l’autre.