DOCT. I, GH. V. — ANTIDOTES DES APOSTÈMES. DES MONDIFICATIFS
beurre. Et sont préparées les racines de guimaulne, selon Guillaume et Lanfranc, en cette sorte ; On prend les escorces des racines lauées, ayant rejetté le tronc ou cœur intérieur. On les fait très-bien cuire auec eau douce, on les pile, et on en fait des magdaleons, qu’on reserue.
La seconde forme est mienne : PR. farine de froment^ vne Hure : eau saffranée, de la décoction des figues^ deux Hures. Soyent cuits iusques à espesseur, et qu’on les engraisse auec de l’oing, beurre, ou huile, et en soit fait emplastre.
La troisiesme, et plusieurs formes seront trouuées au chapitre du phlegmon, et d’erysipele : et cy-dessous, à la sédation de douleur, est loüé à meurir, V emplastre de lamier et Rogier.
Ez matières froides peuuent aussi estre faites plusieurs formes.
La première est des miennes : PR. des oignons et des ails cuits sous la braise., de chacun vne Hure : moyeux d'œufs cuits, cinq en nombre : racine de parelle cuite, demie Hure : farine de fenugrec, vn quart : leuain, demy quart : oing de porc, vne Hure : soient incorporez et réduits en emplastre.
On trouue plusieurs autres formes ès apostemes froids et glanduleux : et pource qu’on les aile chercher là.
Le moyen d'en ouurer est, que la partie soit fomentée de l’eau de la décoction des susdites choses, auec laine succide : puis que l’on applique l’emplastre tiede, et que l’on couure auec des estouppes, ou de laine, ou des fueilles de choux : et soit doucement lié sur le lieu de l’aposteme, taillant la bande de trauers en croix, à ce que la pointe de l’aposteme ne soit pressée, et ne soit remuée qu’vne fois le iour.
Des mondificatifs, et du moyen de mondifer.
L’aposteme estant meur, et puis ouuert auec vne lancette, ou auec vn cautere actuel, ou potentiel, ou en quelconque lieu blessé ou vlceré, ou contus, ou altéré, ou il y a sanie ou ordure, il faut vser des mondificatifs, abstersifs, et lauatifs.
Or le médicament mondifcatif est comme genre à l’abstersif et expurgatif, et non pas au corrosif, comme disoient Lanfranc et Henric : car icelui-cy ne mondifie pas la sanie, ains les croustes, et ronge la chair, et l’arrache.
Le mondificatif abstersif, est celuy qui séparé l’ordure et la sanie du lieu auquel ils sont, et les ameine à la superficie extérieure. Et jaçoit qu’il conuienne à toutes les deux especes d’estre chaudes, neantmoins il faut que l’abstersif lauatif soit le plus souuent doux, comme est le miel, la farine de febues et d’orge, la terebinthine, et plusieurs genres dégommés; mais l'expurgatif àoii estre amer, comme est l’ers et le lupin.
Toutesfois on en trouue beaucoup qui font Tvn et l’autre, comme sont les amandes, l’ers, et la semence d’ourtie. De ce genre aussi est la scylle, et l’iris, et l’escume du nitre, le stœchas, et l’abrotanum^, et plusieurs autres, desquels on peut composer beaucoup de formes diuisées selon les natures, en foibles, moyennes et fortes,
La première est de la communauté, qui conuient aux apostemes nouuellement ouuerts, parce qu’elle nettoye benignement, et appaisse la mordicité. Il est fait de farine de froment ou d’orge, ou spautre incorporée auec moyeux d’œufs. Et si on y adjoustoit vn peu de miel, seroit meilleur.
La seconde forme est aussi de la communauté : PR. farine de froment, d'orge et de speautre, mi quarteron : cuisez-les auec deux parties d'eau, et vne de miel rosat, soit fait emplastre. Et si on y adjoustoit vn peu de terebenthine laué, quand on l’ostera du feu, il en seroit plus vtile aux lieux nerueux.
La troisiesme est de Galen au second à Glaucon, et est incarnatiue : PR. du miel cuit, vne Hure : encens, demy once : myrrhe, deux drachmes, soit fait emplastre.
La quatriesme est nommée de Apio : et est de Guillaume, Lanfranc, Henric, et de tous les Parisiens. Il est aussi des miens. Car il nettoye et meurit les vlceres malins : PR. du suc de ache, vne Hure : du miel, trois quarterons : farine de fi^oment ou autre, vn quatderon. Cuisez-les au feu iusques à espaisseur, et en soit fait emplastre. Si on y adioustoit du jus d’absynthe, il ne permettroit pas que l’vlcere se mist en fistule, ne en chancre. Et s’il escbauffoit trop l’vlcere seroit profitable d’y adjouster du jus de plantain, ou de la crassule. Et si on y adioustoit de la farine de lupins, ou d’ers, ou de fenugrec (comme il est permis de Brun, et de Theodoric) il seroit plus fort. Et si de la terebintine, on l’approprieroit aux nerfs, et la myrrhe aussi, pour mondifier la puanteur et la corruption.
La cinquiesme est de résiné, et est forte, fort appropriée aux parties nerueuses. Elle est des Bolognois : PR. résiné, miel, terehinthine, de chacun demy Hure : myrrhe, sarcocolle, farine de fenugrec, semence de lin, de chacun vne once. La résiné soit fondue auec le miel, et la terehinthine, et y adioustant les poudres, soit fait emplastre,
La sixiesme est d’iris, et est de Montpellier, Elle attire la sanie et la rejette ; PR. du miel, demy Hure : terehinthine, vn quarteron ; du leuain, vne once : racine d'iris, demy once : soient meslez.-
La septiesme est de maistre Dyn, et est le mondificatif des gommes
