DOCT. I, CH. V. — ANTIDOTES DES APOSTÈMES. DES SÉDATIFS
cinquiesme des Medicamens^ et Auicenne. Il est donc necessaire selon ledit Galen, et Auerrhois au cinquiesme, que les medicamens qui appaisent de vraye sédation, soient ternperez, semblables à la chaleur naturelle, ou vn peu plus excédents. Et auec ce qu’ils soient de subtile substance, tellement qu’ils puissent multiplier la chaleur naturelle, et préparer l’humeur à digestion, afin qu’il soit facilement permutable à nature.
Les choses plus conuenables à cela, sont graisses et huiles ; graisses, comme de geline, canard, et oye, qui est la meilleure, selon Galen : des huiles, comme l’huile de moyeux d’œufs, ainsi que dit Azaram au grand Antidotaire^ et l’huile d’olive doux vn peu chaud, au second des Medicamens, et generalement toutes choses adoucissantes. Et l’aneth, et la semence de lin, en éuacuant, appaisent la douleur, quand ils sont appliquez sur le lieu, ainsi que met Auicenne.
Toutesfois Galen veut au cinquiesme des Medicamens, que les suppuratifs, que nous auons dit aux maturatifs, d’autant qu’ils ont chaleur semblable à celle du corps humain, soient sédatifs de douleur, et par conséquent résolutifs domestiques, ainsi que preuue l’experience.
Desdits simples peuuent estre composez plusieurs formes, desquelles la première est de la communauté : PR. de la moüelle de pain blanc dur, trempée en eau boüillante et exprimée de Veau, vne Hure : moyeux d'œufs, trois en nombre : huile rosat, demy quarteron : raeslez, et faites-en emplastre.
La seconde est de Théodore, et de Lanfranc et Henric : PR. fueilles de mauue, trois manipuls : cuisez-les fort en eau, puis les découpez et pilez, et auec vnpeu de Veau de leur décoction, meslez-y vne partie de la cribleure du son, et en soit fait emplastre.
La troisiesme forme est de lamier, fort vulgaire, qui appaise la douleur, en meurissant et resoluant : PR. fueilles de mauue, branche vrsine, violette, lizeron, paritoire, hyoscyame, nombril de Venus, de chacun vn manipul. Les herbes soient nettes de leurs nerfs, et cuites en eau, pilées, et paistries auec suffisante quantité d’oing de porc ou de canard, sans sel ; puis prenez ce qu’aura passé au couloir, et l’espaississez auec farine de froment ou d’orge, et auec vn peu de farine de semence de lin, et bien peu de farine de fenugrec (sauf si le lieu estoit inflammé), en les pilant auec les autres choses, soient raeslez et en soit fait pulte ou emplastre. Et si on y mettoit de l’aloyne, il seroit plus confortatif. Rogier la baille quasi de mesme, mais il adiouste à la décoction quelque peu de vin et de miel. Et quelquefois il tire le suc des herbes, auec lequel il incorpore les farines.
Il y a plusieurs autres formes qui mitiguent et appaisent la douleur des espaules, du ventre, des rognons, de la matrice, et des lieux nerueux,
SEPTIÈME TRAITÉ. — ANTIDOTAIRE
comme est X'onguent resomptif, ainsi fait ; PR. beurre sans sel, vm lüire : huile violât, demy Hure : graisse de geline, de canard, dloye, d'asne, moüelle de bœuf, le tout recent et frais, de chacun vne once : cire, tant que suffise, soit fait onguent.
L’autre forme est des communs, onguent martiat\ onguent Agrippa: huile laurin, huile muscelin et de hen ^ le iiardin et semblables, qui confortent les nerfs, et les exemptent de douleur.
Qui en voudra dauantage, il en trouuera abondance, où il est parlé de la douleur des apostemes, playes et piqueures, ou de la douleur des jointures.
La maniéré d'apaiser la douleur, est que l’éuacuation estant faite, et proprement par la phlébotomie, si la douleur est forte, et la matière sanguine (car la saignée mitigue la douleur de vraye mitigation, veu qu’elle oste soudain la cause, et ainsi entre les Docteurs il n’y a point de contrariété, comme Henric imposoit), la partie soit fomentée et baignée durant vne heure, auec de l’eau tiede et huile, puis soit doucement essuyée et le médicament y soit appliqué : et qu’on bande legerement auec des estouppes, ou laine cardée, et soit souuent remué. C’est le vray et essentiel moyen d’appaiser la douleur.
Or quand la douleur ne peut estre appaisée par la certaine et vraye maniéré, et la nécessité nous contraint, à raison de quelque symptôme qui peut amortir la vertu, il vaut mieux induire ou apporter quelque nuisance, laquelle on pourra corriger, plustost que de permettre qu’vn homme meure de douleur, ainsi qu’il est euidemment desduit au douzième de la Thérapeutique.
Adonc il faut passer aux sédatifs, stupefactifs, qui n’appaisent pas la douleur vrayement, ains en apparence, comme si quelqu’vn disoit, qu’vn homme mort ne sent point de douleur, ainsi qu’il est escrit au cinquiesme des Medicamens. Et tels, sont fort contraires à ceux qui vrayement et essentiellement appaisent : Car ils sont froids, et contraires à nature, comme l’opion, la racine de mandragore, la morelle, l’hyoscyame, et le pauot. Mais ils sont plus salutaires secs, que verds, et corrigez auec du saffran, myrrhe, styrax, et castorée, comme au Philonion et ès opiates, aussi en suppositoires, et en collyres, ils sont plus seurs.
