Vnguentum marciaton

2. Cy-dessus on a noté, que c’est tout vn huile de Ben, et le simple muscellin. S’il est ainsi, il ne les falloit pas distinguer en ce lieu. Mais Guy heurtera encores au septiesme chapitre de cette doctrine, contre vn mesme rocher. Or est accreuë vne- autre faute aux textes vulgaires, lesquels ont Behen de deux syllabes, en lieu de Ben monosyllabe. Car ils sont fort differens Tvn de l’autre : veu que Ben ou Been est le Moringa aptera, nommé aussi gland onguentaire, comme dessus a esté dit et Behen sont deux racines, l’vne blanche, l’autre rouge, qui sont recommandées des Arabes entre les premiers cardiaques et contre-venins. (J., M. et D.)